Andri á flandri - Í Vesturheimi

Winnipeg fyrri hluti

Í Winnipeg er margt að gera og sjá. Andri fær leiðsögn um þessa litríku höfuðborg Manitoba frá Robbie Rousseau sem er lífskúnstner og Vestur-Íslendingur af guðs náð. Robbie fer með Andra í gamla Íslendingahverfið og sýnir honum kirkjuna sem vesturfararnir létu byggja þegar þeir fluttu úr sveitinni í borgina. Fyrir utan ráðhúsið í Winnipeg skoðar Andri styttu af Jóni Sigurðssyn sem er tvífari þeirrar sem er á Austurvelli. Andri hittir fyrir unga Vestur-Íslendinga sem búa í borginni, meðal annars hjólabrettasnillinginn Tommy, stelpurnar í rokkhljómsveitinni Mis en Scene og fjöllistakonuna Freyju Olafsson. Áður en Andri yfirgefur Winnipeg fær hann sér stærsta hamborgara álfunnar og kíkir á tónleika með KK.

Dagskrárliðurinn er textaður.

Frumsýnt

25. okt. 2012

Aðgengilegt til

4. maí 2026

Andri Freyr Viðarsson flandrar um Íslendingabyggðir í Vesturheimi, skoðar áhugaverða staði og heilsar upp á fólk. Með honum í för er tónlistarmaðurinn KK. Framleiðandi: Stórveldið.