Smástund hentar vel fyrir þau allra yngstu, í hverjum þætti lærum við orð, liti, tölur og tónlist. Dagskrárgerð: Agnes Wild. Tónlist: Sigrún Harðardóttir.

Bursti elskar dýr og vélar! Í þessari seríu af Bursta fylgjumst við með honum heimsækja sveitina, þar sem kanínur, hænur, geitur, kýr og risastór dráttarvél verða á vegi hans.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Dýralífsþættir sem gefa okkur dásamlega innsýn inn í undraveröld villtu dýranna.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Þegar sex börn reka dagvistun fyrir hunda, þá getur sko allt gerst! Búðu þig undir ofur krúttlega sjónvarpsþætti, sem fá alla til að brosa.

Skemmtilegir þættir um hina ástsælu Múmínálfa Tove Jansson og ævintýri þeirra.

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Teiknimyndaþættir um moldríku öndina Jóakim aðalönd, seinheppna frænda hans, Andrés önd, og félaga þeirra í Andabæ.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Í þessum síðasta þætti vetrarins kannar Ari Páll lúpínuna🪻

Gleðilegt sumar og sjáumst aftur í haust!

Þáttarbrot með Ævari vísindamanni fyrir krakka á öllum aldri.

Heimildarmynd frá 1997 eftir Þorfinn Guðnason þar sem skyggnst er inn í smáveröld íslenskra hagamúsa.

Bein útsending frá hátíðarstund á Austurvelli á þjóðhátíðardegi Íslendinga.

Myndefni frá Kvikmyndasafni Íslands.

Mynd sem Þjóðhátíðarnefnd lét gera um stofnun lýðveldis á Íslandi á Þingvöllum 17. júní 1944 og hátíðarhöldin í Reykjavík 18. júní. Ekki voru allir á eitt sáttir um gæði myndarinnar þegar hún kom út og hún hefur því sjaldan verið sýnd. Myndin er þó einstök heimild um þennan mikilvæga dag í sögu þjóðarinnar. Kvikmyndataka: Kjartan Ó. Bjarnason.

Eva María Jónsdóttir og Pétur Blöndal fara í rannsóknarleiðangur og draga fram þræði ljóðsins í íslensku samfélagi. Hafa ljóð þýðingu í tilverunni og geta þau breytt lífi fólks? Þau skoða þætti sem ná yfir allt frá leikskólum til elliheimila, vöggu til grafar, ást til haturs, tónlist til myndlistar, göldrum til vísinda, rímum til rapps og landnámi til þessa dags. Dagskrárgerð: Jakob Halldórsson.

Í þættinum vinnum við með minni, ljóð og arfleifð. Við skoðum meðal annars hvort krakkar í yngstu bekkjum grunnskóla ráði við að læra ljóð utanbókar og hvernig arfleifðin lifir í ljóðum frá landnámi.

Kvikmyndasafn Íslands geymir fjársjóð af kvikmyndum sem sýna íslenskan veruleika snemma á síðustu öld. Egill Helgason og Gunnar Tómas Kristófersson rýna efni og sýna efni sem jafnvel enginn hefur séð. Dagskrárgerð: Ragnheiður Thorsteinsson.

Í þessum þætti fjöllum við um það sem við köllum hátíðavandann - tilraunir til að kvikmynda stórhátíðir sem Íslendingar héldu, líkt og Alþingishátíðina 1930 og Lýðveldishátíðina 1944. Það gekk stundum heldur brösulega og sumt misheppnaðist illa.

Helstu fréttir dagsins af innlendum og erlendum vettvangi. Alla daga, árið um kring.

Skriður á þunga deilu Icelandair og FÍA

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Styrkjandi æfingar fyrir fótleggi. Sitjandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Kristrún Frostasdóttir forsætisráðherra og Guðrún Hafsteinsdóttir, formaður Sjálfstæðisflokkins eru gestir Kastljóss. Alþingi er á lokametrunum áður en þingi verður slitið og þingmenn í óðaönn við að samþykkja síðustu málin fyrir sumarfrí. Styr stóð um fjármálaáætlun, sem þó var samþykkt í gær, og stjórnarandstaðan vill bæta við þingfundi í ágúst í aðdraganda þjóðaratkvæðagreiðslu um aðildarviðræður við ESB.

Lögreglan hefur tekið í sína þjónustu sérstaka lögregludróna, sem geta stytt viðbragðstíma margfalt og hafa þega sinnt um 500 útköllum. Við kynnum okkur málið.

Heimildarþáttur þar sem saga fjallkonunnar, þjóðartákngervings Íslands, er skoðuð. Hún stígur á stokk og ávarpar fjöldann ár hvert á þjóðhátíðardegi Íslendinga en hver er hún þessi fjallkona, hvaðan kemur hugmyndin um hana og hvaða þýðingu hefur hún fyrir land og þjóð? Dagskrárgerð: Jón Víðir Hauksson og Viktoría Hermannsdóttir.

Svipmyndir af Reykjavík sem Loftur Guðmundsson tók á lýðveldisárinu 1944. Farið er aftur í tímann og fylgst með lífi og uppbyggingu í bæ sem er að breytast í borg. Örar breytingar áttu sér stað og hin mikla fólksfjölgun í Reykjavík kallaði á gríðarlegar framkvæmdir. Gatnagerð og nýbyggingar setja sinn svip á myndina, en einnig börn að leik, sótarar, skátar og sundgarpar. Kvikmyndasafn Íslands setti myndina saman úr tökum Lofts og skannaði hana í góðum gæðum. Loftur náði aldrei að frumsýna myndina sjálfur.

Fróðlegir skemmtiþættir þar sem Sigtryggur Baldursson fjallar um örnefni á Íslandi frá ýmsum sjónarhornum. Dagskrárgerð: Guðlaugur Maggi Einarsson.

Beinar útsendingar frá bikarkeppni kvenna í fótbolta.

Leikur ÍBV og FH í 8-liða úrslitum Mjólkurbikars kvenna í fótbolta.

Brot úr tónlistarþáttunum Tónatal í umsjón Matthíasar Más Magnússonar. Þættirnir voru teknir upp árið 2021.

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Leikföngin í Háaloftsbæ lifna við og breyta hversdagslegum hlutum í stórskemmtilegar uppfinningar. Krílin eru nefnilega snillingar í að nota ímyndunaraflið og um leið hvetja börn til þess að skapa og prófa sig áfram.

Önnur þáttaröð um Lalla, sem færir ykkur allan heiminn þegar hann grípur litina sína. Hann er svo flinkur að teikna hann Lalli!

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Stutt innslög frá þeim Jasmín og Jómba þar sem þau tala um tónlist og tónfræði.

Stutt innslög frá þeim Jasmín og Jómba þar sem þau tala um tónlist og tónfræði.

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

17. júní haldinn hátíðlegur um allt land

Íþróttafréttir.

Veðurfréttir.

Halla Tómasdóttir forseti flytur ávarp.

Ein ástsælasta gamanmynd íslenskrar kvikmyndasögu. Hljómsveitirnar Stuðmenn og Gærurnar (Grýlurnar) ferðast um landið og keppa um frægð og frama á milli þess sem ástir og afbrýðisköst setja strik í reikninginn. Myndin er í bættum hljóð og myndgæðum. Leikstjóri: Ágúst Guðmundsson.

Leikin íslensk mynd frá 2020 eftir Uglu Hauksdóttur. Sól, fimm ára, býr með föður sínum í einangruðu húsi við sjóinn. Hún eyðir einmanalegum dögum með ímyndunarafli sínu á meðan tónskáldið faðir hennar tekst á við tónlistina. Þegar Sól sér föður sinn bugaðan af sorg finnur hún hugarró í gamalli íslenskri þjóðsögu. Aðalhlutverk: Björn Thors, Bríet Sóley Valgeirsdóttir og Sigríður Soffía Níelsdóttir.

Samantekt frá leikjum dagsins á HM karla í fótbolta.

Leikir á HM karla í fótbolta.

Leikur Gana og Panama á HM karla í fótbolta.

Þættir sem fjalla um þjóðirnar sem taka þátt á HM karla í fótbolta. Við kynnumst leikmönnum, þjálfurum og þeim þjóðum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.

Fjallað er um Úrúgvæ, Kólumbíu, Paragvæ og Ekvador.

Leikir á HM karla í fótbolta.

Leikur Úsbekistan og Kólumbíu á HM karla í fótbolta.