16:55
Gulli byggir

Þáttaröð þar sem Gunnlaugur Helgason húsasmiður leiðir áhorfendur í allan sannleika um hver fyrstu skrefin eru þegar taka á húsnæði í gegn. Gulli hefur verið fengin til þess að koma lagi á kjallara í 65 ára gömlu húsi í Reykjavík. Óþefur og ýmis konar skordýr hafa hrjáð þá sem kjallarinn hefur hýst um nokkurn tíma og greinilegt er að húsið er komið á tíma. Undir leiðsögn Gulla og fagmanna á hverju sviði vinna íbúar og eigendur húsnæðisins, ásamt vinum og ættingjum að breytingunum. Dagskrárgerð: Hrafnhildur Gunnarsdóttir. Framleiðandi: Krummafilms.

Þá er það lokasnúningurinn á því að gera húsnæðið klárt. Ýmsir smáhlutir, og stórhlutir, koma í hús og við heimsækjum fyrirtæki á Akureyri sem framleiðir rafmagnsdósir. Daníel Hjörtur mætir í garðinn og sker út skúlptúr í trjástubb fyrir utan. Hann sýnir okkur heita pottinn sinn og stúdíó í Keflavík en þar rekur hann gistiheimilið Guesthouse 1x6. Hilmir Ingi Jónsson rafvirki sýnir okkur uppfinningu sína sem gerir honum kleift að greina óæskilegt álag á öryggjum. Að lokum kennir Gulli okkur að parketleggja og þá má fara að flytja inn í nýja fína kjallarann sem nú er laus við skordýr og óværu.

Aðgengilegt til: 12. október 2026
Lengd: 32 mín.
Leyft öllum aldurshópum
  • Dagskrárliðurinn er textaður
  • Aðgengilegt eingöngu á Íslandi
  • Endursýnt
  • Ríkisútvarpið
  • Efstaleiti 1, 103 Reykjavík
  • Sími: 515-3000
  • © RÚV
,