Ný sería um fjólubláa fílinn Fílsa sem lærir ýmislegt um allskonar mismunandi vélar.

Bursti elskar dýr og vélar! Í þessari seríu af Bursta fylgjumst við með honum heimsækja sveitina, þar sem kanínur, hænur, geitur, kýr og risastór dráttarvél verða á vegi hans.

Litla Ló býr með Kisu, bróður sínum Húgó, foreldrum sínum - og líka álfinum Búa sem býr í holu í veggnum. Búi er algjör töframaður og á hverjum degi býður hann Litlu Ló og Kisu í nýtt ævintýri úti í náttúrunni.

Fallegir teiknimyndaþættir um óvenjulega vináttu bjarnarins Ernests og músarinnar Célestine.

Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?

Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?

Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Teiknimyndaþættir um moldríku öndina Jóakim aðalönd, seinheppna frænda hans, Andrés önd, og félaga þeirra í Andabæ.

Töfratú er fantasíuland dásamlegra álfa og hafmeyja þar sem raunveruleg viðfangsefni á borð við systkinaerjur, sanngirni og sjálfstraust eru könnuð nánar.

Íslensk heimildarmynd um Hússtjórnarskólann í Reykjavík, hinn horfna heim íslensku húsmóðurinnar og hvernig hlutverk skólans hefur breyst í áranna rás. Fjallað er um blómaskeið skólans og mikilvægt hlutverk hans fyrir húsmæður um miðbik síðustu aldar. Samhliða því er fylgst með nemendum sem hófu nám í skólanum 2016. Mörg grunngildi skólans, eins og nýtni og umhverfisvitund, eiga enn við þrátt fyrir breyttar hugmyndir um hlutverk kynjanna. Leikstjóri og handritshöfundur: Stefanía Thors.

Danskir heimildarþættir um listafólk með þroskahömlun. Fjallað er um sköpunarferlið og fjölbreytileika danskrar listaflóru.

Andri Freyr Viðarsson skoðar hina hliðina á hversdagsleikanum. Hann heimsækir forvitnilega staði, mætir á áhugaverð mannamót, spjallar við sérstakar týpur og prófar óvenjuleg störf. Ekkert er Andra óviðkomandi á flandri sínu um höfuðborgina; málaðir miðaldra rokkarar, falið kúluspilasafn, moskva í miðbænum, skeggjuð kona, fitulaust brúnt fólk, háskólanemar í þykjó, samkynhneigðir söngfuglar og fleira. Dagskrárgerð: Kristófer Dignus. Framleiðandi: Stórveldið ehf.

Á Japönskum dögum Háskólans rekst Andri á sérvitran hóp af fólki sem hefur það fyrir áhugamál að klæða sig upp sem teiknimynda-og tölvuspilahetjur. Í sjoppunni hans Andra á Grettisgötu vinnur ung kona með skegg. Andri kynnir sér söguna bak við mottuna. Félag múslima starfrækir mosku í iðnaðarhúsi í Ármúla. Andri fær boð á bænastund og mætir spenntur að sjá og læra eitthvað nýtt.

Sænskir þættir þar sem litið er heim til þekktra arkitekta í Svíþjóð. Við fáum að sjá einstök og áhugaverð heimili þeirra og hvað þeim finnst gera hús að góðu heimili.

Helstu fréttir dagsins af innlendum og erlendum vettvangi. Alla daga, árið um kring.

Svört rigning og fugladauði

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Æfingar fyrir háls og herðar. Sitjandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Eins og fram kom í síðustu tveimur þáttum hjá Kveik hefur framboð af vændi og fíkniefnum á Íslandi stóraukist á undanförnum árum. Skipulögð brotastarfsemi leikur þar stórt hlutverk og oft er skörun milli fíkniefnainnflutnings og mansals. Þorbjörg Sigríður Gunnlaugsdóttir dómsmálaráðherra er gestur Kastljóss.

Argó, 145 ára sjóhús sem hýsi Tækniminjasafn Austurlands, laskaðist verulega í aurskiðum á Seyðisfirði fyrir sex árum. En nú er verið að huga að endurbyggingu. Við litum á verkstað.

Íslendingar mælast þyngstir Norðurlandaþjóða. Á sama tíma hefur tilfellum átröskunarsjúkdóma fjölgað. Fjallað verður um þessa þróun í Torginu á þriðjudag.

Oddvitar allra framboða í sveitarfélaginu mætast í umræðuþætti.

Fjórir listar eru í framboði á Skagafirði fyrir sveitarstjórnarkosningar í vor. Oddvitar þeirra mætast í umræðum. Þátttakendur eru Einar Eðvald Einarsson, Framsóknarflokki, Magnús Barðdal, Sjálfstæðisflokki, Eyþór Fannar Sveinsson, Byggðarlistanum, og Högni Elfar Gylfason, Miðflokki.

Oddvitar allra framboða í sveitarfélaginu mætast í umræðuþætti.

Þrír listar eru í framboði í Grindavík fyrir sveitarstjórnarkosningar í vor. Oddvitar þeirra mætast í umræðum. Þátttakendur eru Ásrún Helga Kristinsdóttir, Framsóknarflokki, Guðbjörg Eyjólfsdóttir, Sjálfstæðisflokki og Magnús Már Jakobsson, Miðflokki.

Spurningakeppni sveitarfélaga frá 2018. Þátttakendur að þessu sinni eru lið frá þeim sveitarfélögum sem komust í úrslit árin á undan eða hafa oftast komist nálægt því. Umsjónarmenn eru Guðrún Dís Emilsdóttir og Sólmundur Hólm. Spurningahöfundur og dómari er Jón Svanur Jóhannsson. Stjórn útsendingar: Helgi Jóhannesson.

Norskir þættir um líkamstjáningu þar sem teknar eru fyrir ýmsar aðstæður sem fólk verður gjarnan óöruggt í. Fjallað er um hvernig hægt er að vinna með líkamstjáningu til að virka öruggari til dæmis á stefnumótum og í atvinnuviðtölum.

Siggi Gunnars stýrir lifandi þætti um dægurmenningu með áherslu á tónlist, sjónvarp og kvikmyndir. Helstu straumar og stefnur, innlit til áhugaverðs fólks og skemmtilegir gestir í myndveri. Umsjón: Sigurður Þorri Gunnarsson. Stjórn upptöku: Ragnar Eyþórsson.

Í þættinum segja Ari Eldjárn og Snjólaug Lúðvíksdóttir okkur frá þáttunum Taskmaster sem sýndir eru á Sýn.

Við kryfjum Laufeyjar-ævintýrið mikla með sérfræðingunum Sigtryggi Baldurssyni, Jóhönnu Helgu og Matthíasi Má.

Þátturinn endar vestur á Suðureyri, þar sem við heimsækjum hina dásamlegu Kötlu Vigdísi. Hún er að flytja aftur heim og ætlar að segja okkur allt um það og taka fyrir okkur lagið.

Stuttir, norskir þættir þar sem ýmsar þrautir eru lagðar fyrir villt dýr.

Katta er 14 ára og er einkar lagin við að koma sér í vandræðalegar aðstæður. Sem betur fer er hún með app í símanum sínum sem getur fært hana aftur í tímann.

Í þessum þáttum kynnumst við krökkunum í 5.a í Mathias Storch-skólanum í Ilulissat í Grænlandi. Þættirnir eru á dönsku með íslenskum texta.

Dana er 9 ára stelpa sem elskar risaeðlur. Líf hennar breytist til frambúðar þegar hún fær gefins handbók um risaeðlur, sem kennir henni ekki aðeins nýja hluti um dýrin, heldur gefur henni ofurkrafta sem gera henni kleift að sjá fyrir sér risaeðlur í raunveruleikanum.

Fjórir krakkar í rokkhljómsveit æfa þekkt íslenskt rokklag og semja eigið lag. Í leiðinni fræðumst við um hljóðfærin í hljómsveitinni og rokktónlistarsöguna.

Nýja bílskúrshljómsveitin okkar, Gulu Kettirnir hefjast handa við að semja sitt eigið lag. Við lærum nokkur vel valin orð sem notuð eru í tónlistarheiminum. Hljómsveitarmeðlimir: Aldís María Sigursveinsdóttir, Fatíma Rós Joof, Hilmir Þór Snæland Hafsteinsson og Sigurður Ingvar Þórisson. Tónlistarstjóri: Sigurður Ingi Einarsson.

Matilda er metnaðarfullur námsmaður og vill standa sig vel í skólanum. Hana dreymir líka um gott félagslíf, að skemmta sér jafn mikið og vinsælu jafnaldrar hennar - en hvernig fer hún að því? Hún pantar klón af sér á dularfullri vefsíðu og þarf skyndilega að takast á við tvífara sem tekur yfir líf hennar.

Klónið verður of klárt og Matilda missir stjórnina.

Fróðlegir danskir þættir þar sem þáttastjórnendur rannsaka matinn sem við borðum dags daglega.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Ný íslensk grínþáttaröð eftir Arnór Björnsson, Óla Gunnar Gunnarsson og Vigdísi Hafliðadóttur. Þrjú ungmenni takast á við þær áskorarnir sem fylgja þrítugsaldrinum; háskólann, vinnumarkaðinn, sambandsdrauga, rappara og glataða æskudrauma. Hér mætir íslenskur veruleiki óbeisluðu ímyndunarafli. Þættirnir skarta sex frumsömdum lögum eftir FLOTT. Aðalhlutverk: Arnór Björnsson, Óli Gunnar Gunnarsson og Vigdís Hafliðadóttir. Leikstjóri: Kristófer Dignus. Framleiðsla: Kontent.

Diljá reynir að samtvinna skóla, vini og ástina. Janus reynir að kaupa lauk. Teitur reynir að tala við pabba sinn.

Gísli Marteinn tekur á móti góðum gestum á föstudagskvöldum í vetur og fer með þeim yfir helstu atburði vikunnar í stjórnmálum, menningu og mannlífi. Persónur og leikendur koma í spjall og brakandi fersk tónlistaratriði koma landsmönnum í helgarstemninguna. Stjórn útsendingar: Ragnar Eyþórsson.

Breskir leiknir þættir frá 2025. Evie og Noa eru forfallnir kvikmyndanördar sem fá útrás fyrir áhugamálið í vikulegum kvikmyndaklúbbi þar til að óvænt flétta kemur klúbbnum í uppnám. Aðalhlutverk: Aimee Lou Wood, Nabhaan Rizwan og Liv Hill.

Önnur þáttaröð breskra glæpaþátta um skosku rannsóknarlögreglukonuna Karen Pirie sem rannsakar gamalt, óleyst sakamál og kemur auga á ýmsa vankanta á upphaflegu rannsókninni. Aðalhlutverk: Lauren Lyle, Chris Jenks og Zach Wyatt. Þættirnir eru ekki við hæfi barna yngri en 12 ára.