Helstu fréttir dagsins af innlendum og erlendum vettvangi. Alla daga, árið um kring.

Snjóflóðahætta víða

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Standandi æfingar við stól.

Danskir þættir um móðurhlutverkið. Í þáttunum er fjallað um þær miklu breytingar sem fylgja því að verða móðir, kröfurnar sem mæður gera til sjálfra sín og hvernig gengur að samræma móðurhlutverk, fjölskyldulíf og vinnu.

Bein útsending frá spurningakeppni sveitarfélaga. Umsjónarmenn eru Guðrún Dís Emilsdóttir og Sólmundur Hólm. Spurningahöfundar: Ævar Örn Jósepsson og Jón Svanur Jóhannsson. Dómari: Ævar Örn Jósepsson. Stjórn útsendingar: Helgi Jóhannesson.

Viðtals- og tónlistarþáttaröð í umsjón Jóns Ólafssonar. Jón fær til sín ýmsa tónlistarmenn í spjall og saman laða þeir fram ljúfa tóna. Dagskrárgerð: Jón Egill Bergþórsson.

Íslensk þáttaröð í átta hlutum um líf fólks sem býr við skerta starfsgetu og/eða líkamlega fötlun af ýmsum toga. Í þáttunum fylgjumst við með fólki á öllum aldri, víða um land, í ýmsum störfum og með ólíka fötlun og fjölskyldugerð. Dagskrárgerð: Elín Sveinsdóttir. Framleiðsla: SERES hugverkasmiðja.

Í þessum þætti segir Sigurrós Ósk Karlsdóttir sögu sína. Þrátt fyrir alvarlegt einelti í æsku vegna fæðingargalla hjálpuðu jákvæðni og lífsgleði henni að takast á við verkefni lífsins.

Þriggja þátta röð þar sem sænski söngvarinn Peter Jöback fer á slóðir átrúnaðargoða sinna, þeirra Franks Sinatra, Edith Piaf og Charles Aznavours í New York, París og Berlín.

Þáttarbrot með Ævari vísindamanni fyrir krakka á öllum aldri.

Fílsi lærir ýmislegt um mismunandi verkfæri, sem getur svo sannarlega komið sér vel að kunna!

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Jojo er alveg að verða fimm ára. Hún er svo heppin að búa í nágrenni við ömmu sína. Saman bralla þær ýmislegt

Lundinn Flögri kynnir unga áhorfendur fyrir áhugaverðum fyrirbærum um land allt.

Flögri kynnist hestum í Miðdal.

Ný sería um hinn skemmtilega Fílsa. Í þessari seríu fer Fílsi í kunnuglega barnaleiki og syngur skemmtileg lög með þér!

Stutt innslög frá þeim Jasmín og Jómba þar sem þau tala um tónlist og tónfræði.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Danskir þættir þar sem farið er ofan í kjölinn á þekktum dönskum skáldsögum.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.

Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.

Nýir heimildarþættir um þróun íslensks táknmáls frá fyrri tíð til dagsins í dag. Skoðað er hvaða samfélagslegu, menningarlegu og málfræðilegu áhrif móta íslenskt táknmál nútímans, hvað felst í vönduðu íslensku táknmáli og hvernig málið stendur í samanburði við önnur táknmál. Hjördís Anna Haraldsdóttir ræðir við fræðimenn og sérfræðinga í íslensku táknmáli auk notenda málsins í leit að ólíkum sjónarhornum og svörum um stöðu og framtíð málsins.

Hjördís Anna tekur þátt í umræðu um hvernig íslenskt táknmál eigi að líta út og hvaða þættir hafi áhrif á að sum tákn falla úr notkun. Hún hittir yngri kynslóðina og ræðir slangur í táknmáli. Þá ræða Hjördís Anna og Kristín Lena Þorvaldsdóttir um stöðu íslensks táknmáls og útrýmingarhættuna sem málið stendur frammi fyrir.

Heimildarþáttaröð þar sem læknirinn Michael Mosley rannsakar hvaða áhrif innihaldið í innkaupakörfu fólks í matvöruverslunum hefur á heilsufar þjóðar.

Sænsk leikin þáttaröð frá 2025. Jana snýr aftur til heimabæjar síns til að aðstoða bróður sinn sem glímir við áfengisvanda. Þar dregst hún inn í ástríðufullt en hættulegt samband við hinn dularfulla John og áttar sig á að bærinn býr yfir ótal leyndarmálum. Aðalhlutverk: Amanda Jansson, Rasmus Johansson og Jakob Öhrman. Þættirnir eru ekki við hæfi barna yngri en 12 ára.

Sannsögulegir þættir um sænska fjarskipta- og fjölmiðlakónginn Jan Stenbeck. Hann tók við fjölskyldufyrirtækinu af föður sínum við lok áttunda áratugarins og átti stóran þátt í að breyta Svíþjóð úr hefðbundnu iðnaðarsamfélagi í hátækniríki. Á sama tíma og hann átti velgengni að fagna í viðskiptalífinu einkenndist fjölskyldulíf hans af átökum og erjum. Aðalhlutverk: Jakob Oftebro, Zoe Boyle, Iréne Lindh og Malin Crépin.