Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.

Fílsi lærir ýmislegt um mismunandi eldhústæki, sem getur svo sannarlega komið sér vel að kunna þegar útbúa skal mat!

Marri leirkall og vinir hans eru afar uppátækjasamir og í þessum þáttum lenda þeir í háskalegum ævintýrum þar sem þeir búa. Heimkynni þeirra eru fremur óvenjuleg, en þeir búa á borðplötu.

Serían gerist í litríkum og súrsætum skrímsla heimi þar sem fjölbreytt skrímsli búa í sátt og sæti. Í hverjum þætti kynnumst við nýju skrímsli sem býr yfir vægast sagt sérstökum eiginleikum. Kíkjum við og sjáum hvað setur, kannski við getum kynnst þeim aðeins betur.

Finni Krumpa prumpuskrímsli fólk í vanda, tekur hún til sinna handa. Hún sturtar í sig nokkrum rúsínum og þá þýtur hún prumpandi af stað. Hún flýgur um allt, hátt og lágt með prumpuský í eftirdragi. Best að halda niðri í sér andanum skyldi hún fljúga fram hjá!

Ævintýri Bursta og vina hans. Bursti er forvitinn og þrjóskur broddgöltur sem býr þar sem litlir hlutir eru stórir.

Gamansamir þættir um strútapabbann Edda og áttburana hans. Eddi strútapabbi er fullkomnunarsinni og reynir að gera allt sem í hans valdi stendur til að vernda áttburana sína. Hann á fullt í fangi með það, enda eru ævintýrin hjá stórri fjölskyldu mörg og ímyndunaraflið mikið.

Eddi strútapabbi er ekki ánægður þegar eitt barna hans teiknar skopmynd af honum og tekur til sinna ráða. Eftir á að hyggja hefði verið betra að hlæja bara.

Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.

Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.

Lalli færir ykkur allan heiminn þegar hann grípur litina sína. Hann er svo flinkur að teikna hann Lalli.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Huggulegir þættir þar sem snjómaðurinn les úr sínum uppáhaldsbókum fyrir litlu mýsnar í bókabúðinni.

Emilía uppgötvar að litli rauði hvolpurinn hennar að nafni Kátur hefur vaxið um þrjá metra á einni nóttu.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Jöklarnir hafa hopað og allar þjóðsagnaverurnar úr gömlu bókunum eru komnar fram í dagsljósið. Ormhildur og Albert gamli leggja af stað í leiðangur með Guðrúnu og Brynhildi. Þau ætla að fremja galdraseið til að kveða vættirnar aftur inn í jöklana. Allt fer á hliðina þegar Albert er tekinn höndum og hópurinn hrapar í fjallinu. Á ferðalaginu uppgötvar Ormhildur að hún býr yfir leyndum hæfileika og kemst að því að töfraverurnar eru ekki allar þar sem þær eru séðar.

Guðrún kemst að því að vandræði þorpsins stafa af afkvæmum urðarkattar. Þorpsbúar safna kettlingunum saman og Ormhildur vill að þeim verði sleppt uppi í fjöllum. Á leiðinni mæta þau mannýgu nauti sem Guðrún ruglar rækilega í ríminu svo það lætur þau vera. Álfur fellst á vopnahlé við Rauð þegar hann kemst að því að þeir eiga sameiginlega andstæðinga í Ormhildi og hópnum hennar.

Máni er strandaglópur í Ástralíu og Loft svarar ekki kallinu. Krakkarnir reyna að ná sambandi með því að mynda risastór skilaboð á jörðinni. Áróra leitar til Lalla töframanns og lærir nokkur töfrabrögð og þá hefst kapphlaup við tímann um að finna Mána í myrkrinu.

Náttúrulífsþættir frá BBC um stórbrotna náttúru og dýralíf Skandinavíu.

Útsendingar frá Vetrarólympíumóti fatlaðra í Mílanó og Cortina á Ítalíu.

Keppni í svigi karla á Vetrarólympíumóti fatlaðra í Mílanó og Cortina á Ítalíu.

Ný íslensk heimildarþáttaröð í umsjón Ara Eldjárns um íslenskar kvikmyndir. Í hverjum þætti er ein sígild kvikmynd tekin fyrir. Skyggnst er á bak við tjöldin og áður óséð myndefni birt. Rætt er við leikstjóra, handritshöfunda, framleiðendur, leikara, búninga- og leikmyndahönnuði, kvikmyndastjóra, klippara og fleira fagfólk, sem ljóstra upp ýmsum leyndarmálum frá gerð myndanna.

Fjallað er um gerð víkingamyndarinnar Hrafninn flýgur frá árinu 1984. Meðal þeirra sem fram koma eru Edda Andrésdóttir, Þórhildur Þorleifsdóttir, Halldór Þorgeirsson, Karl Júlíusson, Gunnar Baldursson, Egill Ólafsson, Jakob Þór Einarsson, Edda Björgvinsdóttir og Hrafn Gunnlaugsson.

Helstu fréttir dagsins af innlendum og erlendum vettvangi. Alla daga, árið um kring.

Stórt snjóflóð við Siglufjörð

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Í Kilju vikunnar hittum við Maó Alheimsdóttur sem er handhafi Fjöruverðlaunanna fyrir ljóðabókina Hvalbak. Maó er pólsk að uppruna, býr á Íslandi, starfar meðal annars sem fjallaleiðsögumaður og skrifar bókmenntir á íslensku. Guðmundur Andri Thorsson ræðir við okkur um Jón Thoroddsen. Hann þótti mikið efni, var á báðum áttum hvort hann ætti að leggja fyrir sig skáldskap eða stjórnmál, sendi frá sér bók með prósaljóðum sem nefnist Flugur. Jón var aðeins 26 ára þegar hann varð fyrir sporvagni í Kaupmannahöfn og lést. Flugur hafa nú verið endurútgefnar með eftirmála Guðmundar Andra. Við spjöllum við Eriku Fatland sem er norskur höfundur ferðabóka – bækur hennar hafa náð metsölu í Noregi og verið þýddar á ein tuttugu tungumál. Meðal annarra verka má nefna Landamærin en þar ferðast hún um öll ríki sem eiga landamæri að Rússlandi. Í Bókum og stöðum förum við norður í Trékyllisvík á Ströndum, á slóðir þar sem meintir galdramenn voru brenndir á sinni tíð. Gagnrýnendur þáttarins fjalla um Söguþætti landpóstanna, Ekkert eftir Janne Teller og Lokar augum blám eftir Margréti S. Höskuldsdóttur. Óvæntur gagnrýnandi leggur okkur lið í umfjölluninni um landpóstana.

Sænskir þættir þar sem litið er heim til þekktra arkitekta í Svíþjóð. Við fáum að sjá einstök og áhugaverð heimili þeirra og hvað þeim finnst gera hús að góðu heimili.

Íslenska óperan varð 40 ára á árinu 2020. Að því tilefni lítum við til baka og minnumst góðra stunda.

Útsendingar frá Vetrarólympíumóti fatlaðra í Mílanó og Cortina á Ítalíu.

Úrslitaleikur í íshokkí á Vetrarólympíumóti fatlaðra í Mílanó og Cortina á Ítalíu.

Fróðlegir skemmtiþættir þar sem Sigtryggur Baldursson fjallar um örnefni á Íslandi frá ýmsum sjónarhornum. Dagskrárgerð: Guðlaugur Maggi Einarsson.

Smiðurinn Oskar Boström sýnir skemmtilega og hagnýta smíði. Hann sýnir hvernig hægt er að smíða húsgögn, til dæmis borðstofuborð, bekk og trékassa.

Máni er strandaglópur í Ástralíu og Loft svarar ekki kallinu. Krakkarnir reyna að ná sambandi með því að mynda risastór skilaboð á jörðinni. Áróra leitar til Lalla töframanns og lærir nokkur töfrabrögð og þá hefst kapphlaup við tímann um að finna Mána í myrkrinu.

Anne Dorothea á mjög sérstakan besta vin, björgunarhundinn Bessa!

Í þessari seríu fylgjumst við með hetjunni Bjössa brunabangsa, sem elskar að keyra slökkviliðsbíl og slökkva elda. Á hverjum einasta degi leysir hann spennandi verkefni með hjálp frá samstarfsfólki sínu.

Þau Ylfa og Máni standa vaktina í eldhúsinu og kenna okkur hvernig á að elda og baka ýmislegt góðgæti. Dagskrárgerð: Eva Rún Þorgeirsdóttir. Umsjón: Ylfa Blöndal og Hilmar Máni Magnússon.

Í Þessum þætti af matargat baka krakkarnir afmælis-súkkulaðiskúffuköku fyrir 12 ára afmælið hennar Ylfu.

Svona er uppskriftin:

UPPSKRIFT af köku

285 gr hveiti

370 gr sykur

1 og 1/2 tsk lyftiduft

1/2 tsk matarsódi

1 tsk fínt salt

3 kúfaðar msk bökunar kakó

105 gr brætt smjör

285 gr mjólk

2 egg

1 tsk vanilludropar

smjör til að smyrja form

Uppskrift af glassúr:

6 dl flórsykur

1/2 tsk salt

6 msk kakó

60-70 ml vatn

2-3 msk uppáhellt kaffi - Má sleppa en það kemur ekki kaffibragð, heldur dýpkar það bara súkkulaðibragðið

kókos

Aðferð

Kakan:

Bræðið smjörið og leyfið því að kólna.

Blandið öllum þurrefnunum saman.

Setjið næst mjólk, egg, vanilludropa.

Blandið smjörinu saman við deigið og hrærið í smá stund.

Smyrjið formið með smjöri (til að kakan festist ekki við formið)

Setjið í form sem er 22x33 cm

Bakið í 180 C° í 25-30 mínútur.

Glassúr:

Hrærið öllum þurrefnunum fyrst saman með skeið og setjið síðan kaffið út í.

Bætið vatni við, smátt og smátt í einu og hræra á meðan þar til það er orðið mátulega þykkt.

Setjið glassúr á þegar kakan hefur kólnað vel í forminu.

Stráið kókosmjöli yfir kökuna.

Nýir heimildarþættir um þróun íslensks táknmáls frá fyrri tíð til dagsins í dag. Skoðað er hvaða samfélagslegu, menningarlegu og málfræðilegu áhrif móta íslenskt táknmál nútímans, hvað felst í vönduðu íslensku táknmáli og hvernig málið stendur í samanburði við önnur táknmál. Hjördís Anna Haraldsdóttir ræðir við fræðimenn og sérfræðinga í íslensku táknmáli auk notenda málsins í leit að ólíkum sjónarhornum og svörum um stöðu og framtíð málsins.

Skoðað er hvernig íslenskt táknmál er frábrugðið öðrum táknmálum í heiminum. Hjördís Anna hittir fólk sem hefur búið á Íslandi um lengri eða skemmri tíma og miðlar ólíkri reynslu af málinu. Valgerður Stefánsdóttir, doktor í uppruna og þróun íslenska táknmálsins, segir frá tilurð þess og þróun og Sigríður Vala Jóhannsdóttir, sem er fjöltyngd, lýsir því sem einkennir íslenskt táknmál í alþjóðlegu samhengi.

Egill Helgason tengir bækur við ýmsa staði á landinu.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Þáttur um mannlífið í landinu. Landinn leitar uppi skemmtilegt fólk í bæjum og sveitum og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Þórdís Claessen, Hafsteinn Vilhelmsson, Amanda Guðrún Bjarnadóttir og Andri Freyr Viðarsson. Dagskrárgerð: Jóhannes Jónsson, Hjalti Stefánsson, Benedikt Nikulás Anes Ketilsson, Björgvin Kolbeinsson og Adelina Antal.

Nýir íslenskir heimildarþættir eftir Láru Zulima Ómarsdóttur. Hvernig er að búa í nánum tengslum við náttúruna? Hvað er það í náttúrunni sem kallar svo sterkt á suma? Lára kynnist viðmælendum sínum og fer með þeim á þeirra uppáhaldsstaði, þar á meðal leynistaði sem fáir þekkja. Hún sýnir svo bandaríska ljósmyndaranum og ævintýramanninum Chris Burkard þessar einstöku náttúrugersemar, en hann sérhæfir sig í ljósmyndun á köldum slóðum. Framleiðsla: Zulima ehf.

Arndís Guðmundsdóttir býr á Bjarnastöðum við Hvítársíðu í Borgarfirði. Þar hefur fjölskylda hennar búið í meira en 140 ár. Arndís á sér uppáhaldsstað sem leynist í aldagömlu, mosavöxnu hrauni og á fáa sína líka á Íslandi. Lára fer einnig með bandaríska ljósmyndaranum og ævintýramanninum Chris Burkard um sveitina.

Leikin þáttaröð frá 2024 byggð á samnefndri skáldsögu eftir Alexandre Dumas. Sjómaðurinn Edmond Dantè er svikinn af þremur mönnum og ranglega fangelsaður á eyju við strendur Marseille. Mörgum árum síðar tekst honum að flýja fangelsið og leitar uppi fjársjóð sem samfangi hans sagði honum frá. Hann hefur nýtt líf undir dulnefninu greifinn af Monte Cristo og er staðráðinn í að ná fram hefndum á mönnunum sem sviku hann. Aðalhlutverk: Sam Claflin, Mikkel Boe Følsgaard og Ana Girardot. Þættirnir eru ekki við hæfi barna yngri en 12 ára.

Fjórföld Óskarsverðlaunamynd frá 2012 í leikstjórn Ang Lee. Ungur indverskur drengur lifir af sjávarháska og fer í ótrúlegan leiðangur á litum árabát samferða Bengal-tígrisdýri. Aðalhlutverk: Suraj Sharma, Irrfan Khan og Adil Hussain. Myndin er ekki við hæfi barna yngri en 12 ára.