Heimildarþáttur um störf heimilislækna. Vinnudagur þeirra hefur breyst umtalsvert á síðustu áratugum og í þættinum segja sex heimilislæknar frá viðfangsefnum sínum á heilsugæslustöðvum. Heimilislæknar í dag eru í síauknu samstarfi við ýmsar sérhæfðar starfsstéttir og sinna þjónustu við æ fjöbreyttari hóp skjólstæðinga. Dagskrárgerð: Páll Kristinn Pálsson og Aðalgeir Gestur Vignisson.
Norskur þáttur um móðurhlutverkið. Mæður ungra barna deila sögum af því hvernig líf þeirra breyttist þegar þær eignuðust sitt fyrsta barn og fjalla um allt sem þær vildu að þær hefðu vitað áður en þær tókust á við þetta krefjandi hlutverk.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Stjórnvöld vilja boða til þjóðaratkvæðagreiðslu um aðildarviðræður við ESB þann 29. ágúst. Rætt við Helga Hrafn Gunnarsson, frá Evrópuhreyfingunni sem er fylgjandi aðild og Frosta Sigurjónsson, frá Heimssýn sem leggst gegn aðild.
Hitað upp fyrir sviðslistaverðlaun Íslands, Grímuna, sem veitt eru í Þjóðleikhúsinu í kvöld. Rætt við gagnrýnendur, leikara og leikstjóra.
Rætt við Jesper Brodin, fyrrum forstjóra hjá sænska stórfyrirtækinu IKEA. Hann segir sjálfbærni ekki bara snúast um siðferði, heldur sé hún líka góð fyrir bisnessinn.
Spurningakeppni sveitarfélaga frá 2018. Þátttakendur að þessu sinni eru lið frá þeim sveitarfélögum sem komust í úrslit árin á undan eða hafa oftast komist nálægt því. Umsjónarmenn eru Guðrún Dís Emilsdóttir og Sólmundur Hólm. Spurningahöfundur og dómari er Jón Svanur Jóhannsson. Stjórn útsendingar: Helgi Jóhannesson.
Sigmar Guðmundsson fær til sín góða gesti úr öllum áttum og ræðir við þá undir fjögur augu. Gestirnir eiga það sameiginlegt að hafa áhugaverða sögu að segja. Dagskrárgerð: Salóme Þorkelsdóttir.
Gestur Sigmars stendur í ströngu þessa dagana, en hann lýsir óvæntri vendingu í lífi sínu á þann hátt að hann hafi á fáeinum dögum farið úr því að vera í sóttkví að elda nautarif yfir í að stýra Covid19 göngudeildinni á Landsspítalanum. Ragnar Freyr Ingvarsson segir frá starfi sínu sem læknir við þessar kerfjandi aðstæður og ástríðu sinni fyrir mat því hann er einnig þekktur sem Læknirinn í eldhúsinu.
Sigurlaug M. Jónasdóttir ræðir við Pál Óskar um lögin hans, textana, vinsældirnar, tilfinninguna að standa á sviði með Sinfóníuhljómsveit Íslands, baráttuandann og framtíðina. Dagskrárgerð: Jón Egill Bergþórsson.
Karla er 8 ára kjúklingur, sem hefur það að markmiði að halda öllum ánægðum, svo lengi sem það kemur ekki niður á lífi hennar. Hún elskar skólann sinn og alla vini sína. Hún leggur hart að sér til að þóknast öllum, en stundum ganga hlutirnir ekki alveg eins og áætlað var. Í þessum þáttum eru félagsleg samskipti og tilfinningar þeim tengd könnuð út frá heimi krakkanna. Hvað er rétt og hvað er rangt? Getur maður átt fleiri en einn besta vin?
Flóra er níu ára og finnur gat í limgerðinu úti í garði. Hún skríður í gegn og er skyndilega stödd í skóginum endalausa – galdraheimi þar sem allt getur gerst. Þar ráfa um skrítnar og stórkostlegar verur. Þær lenda í ýmiss konar vandræðum og enginn getur hjálpað þeim – nema kannski Flóra sjálf?
Þegar afi ykkar er búin að þjálfa ykkur sem skrímslaveiðimenn, þá er ekkert annað í stöðunni en að veiða öll skrímslin! Það er þó eitt vandamál, krakkarnir elska skrímslin og vilja helst bara bjarga þeim. Það geta þau gert á meðan afi blundar, eða hvað?
Helstu fréttir settar fram á einfaldan og aðgengilegan hátt.
Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.
Krakkafréttir dagsins: Vorhátíð Ölduselsskóla, Þjóðhátíðarlagið 2026, VÆB fór í tónleikaferðalag um Evrópu.
Finnlandssænskir heimildarþættir um kvenlega fegurð og öldrun. Þáttastjórnandinn Eva Kela leit áhyggjur kvenna af því að eldast hornauga en nú þegar hún er sjálf komin yfir fertugt og farin að finna aldursmerki á eigin skinni áttar hún sig á því hversu sterk áhrif fegurðarstaðlar hafa á hana. Hún ræðir við konur komnar yfir fertugt sem veita innsýn inn í breytt útlit sitt og líðan.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Sigríður Halldórsdóttir, Bergsteinn Sigurðsson, Guðrún Sóley Gestsdóttir og Urður Örlygsdóttir.
Sjálfstæðisflokkurinn, Framsókn og Viðreisn hafa náð saman um tólf manna meirihlutasamstarf í Reykjavík og taka við þann 2. júní. Hildur Björnsdóttir, oddviti Sjálfstæðisflokksins, verður borgarstjóri Reykjavíkur, Einar Þorsteinsson, oddviti Framsóknar, verður formaður borgarráðs og Björg Magnúsdóttir, oddviti Viðreisnar, forseti borgarstjórnar. Oddvitarnir þrír eru gestir Kastljóss í kvöld.
Nemendum í Hrafnagilsskóla í Eyjafjarðarsveit stendur til boða valáfangi þar sem þeir læra um bústörf. Við heimsækjum skólann í lok þáttar.
Leikmenn, þjálfarar, sérfræðingar og sófasérfræðingar hita upp fyrir heimsmeistaramótið í fótbolta í sumar með laufléttri en háalvarlegri spurningakeppni. Umsjón: Edda Sif Pálsdóttir og Helga Margrét Höskuldsdóttir. Stjórn upptöku: Ragnar Eyþórsson.
Liðin eru:
Þjálfarar
Hermann Hreiðarsson
Arnar Gunnlaugsson
Ólafur Helgi Kristjánsson
Stofan
Einar Örn Jónsson
Hörður Magnússon
Almarr Ómarsson
Norskir leiknir þættir frá 2025. Þættirnir gerast í upphafi þessarar aldar og fjalla um Selinu, 17 ára stelpu, sem hefur þurft að þola mikið einelti í skóla. Eftir að hún stofnar bloggsíðu þar sem hún deilir fegrunarráðum og mærir lýtaaðgerðir verður hún skyndilega stærsta og umdeildasta stjarna Noregs. Aðalhlutverk: Elli Rhiannon Müller Osborne, Pås Sverre Hagen og Jon Øigarden. Þættirnir eru ekki við hæfi barna yngri en 12 ára.
Bresk heimildarmynd frá 2022. Tan France var aðeins níu ára gamall þegar hann reyndi fyrst að lýsa á sér húðina með aflitunarkremi. Hér horfist hann í augu við eigin reynslu og skoðar hvernig skaðlegir fegurðarstaðlar og fordómar gagnvart dekkri húð hafa áhrif á sjálfsmynd fólks um allan heim. Myndin er ekki við hæfi barna yngri en 14 ára.
Breskir spennuþættir um rannsóknarlögreglukonuna Rachitu Ray sem fær stöðuhækkun og er færð yfir í morðrannsóknir. Ekki finnst öllum að stöðuhækkunin hafi verið tímabær en Rachita er staðráðin í að sanna að hún sé tilbúin að taka að sér flókin mál. Aðalhlutverk: Parminder Nagra, Steve Oram og Gemma Whelan. Þættirnir eru ekki við hæfi barna yngri en 12 ára.
Önnur þáttaröð þessara bresku spennuþátta. Lana Washington er sprengjusérfræðingur hjá lögreglunni í Lundúnum. Hún hættir lífi sínu nánast daglega og þarf sífellt að vera viðbúin nýjum og breytilegum ógnum. Aðalhlutverk: Vicky McClure, Eric Shango og Nabil Elouahabi. Þættirnir eru ekki við hæfi barna yngri en 16 ára.
