Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Liðkandi æfingar. Sitjandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Ríkisstjórn samþykkti að leggja fyrir Alþingi reglugerð sem felur í sér afturhvarf til hertari reglna um leigubílstjóra. Þorsteinn B. Sæmundsson varaþingmaður Miðflokks fagnar breytingunni og María Rut Kristinsdóttir þingmaður Viðreisnar segir nauðsynlegt að stíga varlega til jarðar í ályktunum um erlent vinnuafl tengt málinu. Björn Snæbjörnsson, nýkjörinn formaður Landssambands eldri borgara kallar eftir stórtækum úrbótum á grunnlífeyri sem haldi fjölda fólks í fátæktargildru.

Flugfreyjustarfið er sívinsælt hér á landi og þúsundir umsókna berast flugfélögum ár hvert.

Kveikur er fréttaskýringaþáttur með fjölbreyttar áherslur. Ritstjórn og dagskrárgerð: Arnar Þórisson, Árni Þór Theodórsson, Gunnhildur Kjerúlf Birgisdóttir, Ingólfur Bjarni Sigfússon, Ingvar Haukur Guðmundsson, Jóhann Bjarni Kolbeinsson, Kristín Sigurðardóttir og Tryggvi Aðalbjörnsson.

Njósnað var um fjölda fólks sem stefnt hafði Björgólfi Thor Björgólfssyni í hópmálsókn árið 2012. Aðgerðirnar fóru fram með mikilli leynd og kostuðu tugi milljóna króna. Setið var um heimili fólks, það elt dögum saman og földum myndavélum komið fyrir. Þrír lögreglumenn, tveir fyrrverandi og einn núverandi, eyddu hátt í þúsund vinnustundum í verkið.

Guðjón Friðriksson og Egill Helgason leiða áhorfendur um söguslóðir í Kaupmannahöfn. Borgin við Sundið var um aldaraðir hin eiginlega höfuðborg Íslands. Þangað leituðu Íslendingar til náms, starfa og fræðiiðkana, en Kaupmannahöfn var líka miðstöð verslunar Íslendinga. Við kynnumst Íslandskaupmönnum, stúdentum, sérvitringum, skáldum og stjórnmálamönnum, en líka fólki sem fór til Hafnar að afla sér iðnmenntunar eða einfaldlega til að freista gæfunnar. Víða í borginni leynast sögur af Íslendingum. Dagskrárgerð: Ragnheiður Thorsteinsson.

Egill og Guðjón fjalla um dönsku konungana sem ríktu yfir Íslandi og voru lengst af heldur fjarlægir. Þeir fara einnig á slóðir ævintýramannanna Jóns Indíafara og Guðmundar Andréssonar, sem datt úr Bláturni beint í faðm konungsfjölskyldunnar. Þeir skoða kauphöllina, þar sem var verslun með íslenskar vörur, og skyggnast eftir Brimarhólmi, þar sem margir íslenskir sakamenn áttu illa vist.

Matreiðsluþættir með finnsku matreiðslukonunni Kiru sem töfrar fram ólíka rétti frá San Francisco.

Íslenskar hljómsveitir og tónlistarmenn flytja ný lög í Stúdíó A í RÚV.

Íslenskar hljómsveitir og tónlistarmenn flytja ný lög í Stúdíó A í RÚV. Í þættinum koma fram Mugison, RuGl og Hildur.

Bein útsending frá keppni í Skólahreysti. Í Skólahreysti keppa nemendur í grunnskólum landsins sín á milli í hinum ýmsu greinum sem reyna á kraft, styrk og þol keppenda. Umsjón: Anna Sigrún Davíðsdóttir og Daníel Óskar Jóhannesson. Stjórn útsendingar: Sturla Skúlason.

Í þessum þætti áttust við eftirfarandi skólar:

Egilsstaðaskóli

Grunnskóli Fjallabyggðar

Dalvíkurskóli

Fellaskóli, Fellabæ

Árskóli

Laugalækjaskóli

Varmahlíðarskóli

Grunnskóli Húnaþings Vestra

Smiðurinn Oskar Boström sýnir skemmtilega og hagnýta smíði. Hann sýnir hvernig hægt er að smíða húsgögn, til dæmis borðstofuborð, bekk og trékassa.

Önnur þáttaröð af Monsunum Kára, Villa og Hönnu sem lenda í alls kyns ævintýrum og þurfa að standa saman til að takast á við illmennið Ívar.

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Jasmín og Jómbi eru góðir vinir sem elska tónlist. Saman njóta þau tónanna sem óma um Hljómbæ.

Helstu fréttir settar fram á einfaldan og aðgengilegan hátt. Umsjón: Ari Páll Karlsson, Embla Bachmann, Gunnar Hrafn Kristjánsson og Kolbrún María Másdóttir. Handrit og ritstjórn: Ari Páll Karlsson.

Krakkafréttir dagsins: 1. Rafmagnsleysi á Spáni og Portúgal 2. Verkalýðsdagurinn 1. maí á morgun 3. Íslenskur stórmeistari í skák sigraði Carlsen

Íslensk tónlistarmyndbönd.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.

Umfjöllun Kveiks í gær um umfangsmiklar persónunjósnir á vegum auðmannsins Björgólfs Thors Björgólfssonar hafa vakið sterk viðbrögð - ekki síst vegna þáttöku fyrrverandi og starfandi lögreglumanna í þeim. Fjölnir Sæmundsson, formaður Landssambands lögreglumanna, og Margrét Valdimarsdóttir, dósent í félags- og afbrotafræði við Háskóla Íslands, voru gestir Kastljóss.

Við höldum líka áfram syrpu þar sem fólk heimsækir nokkra áhugaverða viðburði innan einnar viku og deilir svo reynslunni með áhorfendum. Nú var röðin komin að Elísu og sonum hennar, Úlfi og Elís Krumma, sem fóru á menningarflakk.

Bein útsending frá keppni í Skólahreysti. Í Skólahreysti keppa nemendur í grunnskólum landsins sín á milli í hinum ýmsu greinum sem reyna á kraft, styrk og þol keppenda. Umsjón: Anna Sigrún Davíðsdóttir og Daníel Óskar Jóhannesson. Stjórn útsendingar: Sturla Skúlason.

Í þessum þætti áttust við eftirfarandi skólar:

Giljaskóli

Lundarskóli

Síðuskóli

Þelamerkurskóli

Glerárskóli

Hrafnagilsskóli

Naustaskóli

Brekkuskóli

Borgarhólsskóli

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Írski rithöfundurinn Claire Keegan er gestur í Kiljunni 30. apríl. Hún er afar vinsæll höfundur og bækur hennar hafa selst geysivel, líka hér á Íslandi. Á samkomu með Keegan á Bókmenntahátíð í Reykjavík komust færri að en vildu. Bók hennar Smáir hlutir sem þessir var nýskeð valin besta bók þessarar aldar á Írlandi. Hernán Diaz er rithöfundur, upprunninn í Argentínu, alinn upp í Svíþjóð en býr í New York. Hann ræðir við okkur um feikiskemmtilega skáldsögu sína sem heitir Trust og fékk Pulitzer-verðlaunin 2022. Njörður P. Njarðvík spjallar við okkur um tvær bækur. Önnur nefnist Ljáðu mér rödd og er eftir magnað ljóðskáld, Svíann Kjell Espmark. Njörður þýddi þetta mikla verk á íslensku. Hin er Atvik - á ferð um ævina en hún inniheldur minningabrot úr lífi Njarðar sjálfs. Gagnrýnendur þáttarins fjalla um Konu á buxum: Nokkrar furður úr ævi Þuríðar formanns eftir Auði Styrkársdóttur, Skálds sögu eftir Steinunni Sigurðardóttur og smásagnasafnið Seint og um síðir eftir áðurnefnda Claire Keegan.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Velskir spennuþættir frá 2022. Blaðakonan Cat Donato snýr aftur á heimaslóðir sínar í Wales í von um að komast að því hvað varð um vinkonu hennar, Elu Roberts, sem hvarf fyrir 18 árum. Aðalhlutverk: Alexandra Roach, Joanna Scanlan og Iwan Rheon. Þættirnir eru ekki vð hæfi barna yngri en 12 ára.

Íslensk spennumynd frá 2018. Bræðurnir Erik og Atli eiga báðir við fjárhagsvanda að stríða af ólíkum ástæðum. Saman grípa þeir til þess ráðs að smygla dópi til landsins. Erik skipuleggur verkefnið í þaula og allt virðist ætla að ganga upp, en óvænt atvik setur strik í reikninginn. Leikstjóri: Börkur Sigurþórsson. Aðalhlutverk: Gísli Örn Garðarsson, Baltasar Breki Baltasarsson, Anna Próchniak og Marijana Jankovic. Myndin er ekki við hæfi barna yngri en 16 ára.