Teiknimyndaþættir fyrir börn byggðir á samnefndri breskri barnabók frá árinu 1994 eftir Sam McBratney, með myndskreytingum eftir Anitu Jeram. Bókin hefur verið gefin út á yfir 53 tungumálum og selst í yfir 28 milljónum eintaka.
Þriðja serían af vinalega hundinum Sámi og krílunum sem vinna sér inn merki á leikskólanum hans.
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Vinirnir Begga og Fress leika sér að tölum og leysa saman ýmsar þrautir og gátur.
Fjörugir teiknimyndaþættir um ref, tvö villisvín og fugl sem eru orðin þreytt á að lifa villt í náttúrunni og verða sér úti um búninga til að dulbúast sem venjuleg gæludýr.
Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.
Það er gott að eiga góðan vin. 5 ára krakkar ræða um vináttu og hvað það er að vera vinur. Hvernig takast vinir á við erfiðleika saman? Hvað gerir vini ólíka? Hvað er það sem gerir vináttu sérstaka?
Færeyskir þættir þar sem Elin á Rógví hittir krakka og ræðir við þau um margvísleg málefni eins og hvernig er að eiga átta systkini eða hvernig er að missa foreldri.
Við höfum séð Sebastian Klein vera bitinn, brenndan og stunginn - en nú fer hann til Afríku og kynnist áhugaverðum dýrum.
Talsett teiknimynd frá 2013. Raggi og Jake eru tveir ólíkir kalkúnar sem sameina krafta sína og ferðast aftur í tímann með það að markmiði að breyta sögunni. Þeir ætla sér að koma í veg fyrir að kalkúnar endi á matseðlinum á þakkargjörðarhátíðinni í Bandaríkjunum.
Þáttaröð fyrir alla fjölskylduna byggð á samnefndri metsölubók eftir Gunnar Helgason. Jón fer til Vestmannaeyja með liðsfélögum sínum úr Fálkum til að keppa á stærsta og skemmtilegasta fótboltamóti ársins. Draumar hans hafa þó verið slæmir þar sem eldgos og undarlega vondur markmaður eru að trufla hann. Í raunveruleikanum er það þó Ívar, brjálaði boltaþjófurinn, sem er hans helsti óvinur. Samtímis þarf Rósa að berjast fyrir tilverurétti sínum hjá Fylki. Innan vallar eru þau öll andstæðingar en utan vallar þurfa þau að snúa bökum saman og berjast upp á líf eða dauða.
Fálkarnir eru komnir í 16 liða úrslit svo nú eru allir leikir úrslitaleikir. Á sama tíma þarf Jón að hjálpa Ívari í baráttu upp á líf og dauða.
Íslensk fjölskyldu- og gamanmynd í tveim hlutum. Eldri borgararnir Hófí og Pétur sem eru olnbogabörn í kerfi sem hefur lítið gagn af þeim lengur. Þau eru orðin leið á aðbúnaðinum á elliheimilinu og ræna banka til að hafa efni á að kaupa sér litla íbúð. Ýmis ljón eru á veginum og Hófí og Pétri lendir saman við harðasta handrukkara bæjarins og skósveina hans. Aðalhlutverk: Edda Björgvinsdóttir, Þórhallur Sigurðsson, Steinþór Hróar Steinþórsson og Sverrir Þór Sverrisson. Leikstjóri: Gunnar B. Guðmundsson.
Þáttaröð frá 2015 úr smiðju Ævars vísindamanns. Í þessari þáttaröð leggur Ævar allt undir. Laufblásara-knúin svifbretti, segulskór og skordýrahamborgari eru bara nokkrar af þeim æsispennandi tilraunum sem koma fyrir. Dagskrárgerð: Ævar Þór Benediktsson og Eggert Gunnarsson
Í þessum þætti skoðar Ævar dýr. Jane Goodall er vísindamaður dagsins, við rannsökum Mantis-rækjuna og syngjum liti sem enginn sér nema hún. Við smökkum orkustangir úr krybbum, skoðum Vitsugu-vespur, setjum rykmaura undir smásjánna og svo ætlar Ævar að heimsækja hest sem kann bæði að telja og mála.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson og Viktoría Hermannsdóttir.
Allmargir ganga með þann draum í maganum að verða næsti forseti Íslands. Síðustu daga og vikur hefur mikill fjöldi fólks annaðhvort lýst yfir framboði eða lýst áhuga á framboði til embættis forseta. Gengið verður til kosninga laugardaginn 1. júní og enn bætast frambjóðendur við en framboðsfrestur er til 26. apríl. Rætt við Margréti Helgu Erlingsdóttur, fréttamann á Stöð 2, Vísi og Bylgjunni og Friðjón Friðjónsson, borgarfulltrúa.
Heimurinn er fullur af hlutum og allir hlutir eiga sér sögu. Friðgeir Einarsson, rithöfundur og sviðslistamaður, hefur vanið komur sínar í Góða hirðinn síðustu mánuði og dregist þar að alls kyns persónulegum hlutum með það fyrir augum að skila þeim aftur til eigenda sinna. Friðgeir Einarsson er Vondi hirðirinn.
Í menningarfréttum vikunnar var meðal annars fjallað um veglega páskadagskrá víðsvegar um landið.
Þáttur um mannlífið í landinu. Landinn leitar uppi skemmtilegt fólk jafnt í borg sem sveit og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Sigrún Þuríður Runólfsdóttir og Þórdís Claessen. Dagskrárgerð: Magnús Atli Magnússon, Jóhannes Jónsson, Björgvin Kolbeinsson og Elvar Örn Egilsson.
Í Landanum í kvöld skoðum við sögufræg hús á Akranesi, við búum til grafík og tónlistarmyndbönd,
við förum á fjallaskíða- og snjóbrettahátíð og við hittum tíu ára listakonu.
Þáttaröð í sex hlutum þar sem Steiney Skúladóttir og Sigurlaug Sara Gunnarsdóttir kryfja til mergjar geðheilsu og greiningu á andlegri vanheilsu ungs fólks, en kvíði og aðrir andlegir kvillar eru sívaxandi vandamál. Í þáttunum er fjallað um nokkra tiltekna kvilla, meðferð og mögulegar úrlausnir, algengar mýtur og rætt við fólk sem greinst hefur með geðröskun, aðstandendur og fagfólk. Þættirnir eru sjálfstætt framhald Edduverðlaunaþáttaraðarinnar Framapots. Leikstjóri: Arnór Pálmi Arnarsson. Framleitt af Sagafilm.
Hver er munurinn á kvíða og kvíðaröskun? Glíma virkilega allir við kvíða? Steiney og Sigurlaug Sara kanna einkenni, áhættu og afleiðingar kvíðaröskunar. Þær ræða við sérfræðinga um lausnir, hjálpa yfirmanni sínum að komast yfir afmarkaða fælni og hitta nokkra frambærilega kvíðasjúklinga.
Heimildarþættir um fjölmenningu í íslensku samfélagi. Mannflóran er fjölbreyttari en nokkru sinni fyrr og þjóðarímyndin breytist með auknum fjölda fólks af erlendum uppruna. Ljósi er varpað á erfiðleikana sem fólk af erlendum uppruna mætir í íslensku samfélagi og fjallað um kosti fjölmenningar. Umsjón: Chanel Björk Sturludóttir.
Í þættinum er fjallað um sögu fjölmenningar á Íslandi. Ísland var lengi einsleitt samfélag en á síðustu árum hafa orðið miklar breytingar sem hafa leitt til aukinnar fjölmenningar.
Þættir um börn og ungmenni sem eiga annað móðurmál en íslensku og hafa hlotið Íslenskuverðlaun unga fólksins. Dagskrárgerð og umsjón: Hafsteinn Vilhelmsson.
Tobias fæddist á Íslandi árið 2009, en móðurmál hans er þýska. Tobias les mikið og var ekki lengi að klára að lesa þær bækur sem honum fannst áhugaverðar á skólabókasafninu. Hann segir að íslenska sé skemmtilegt tungumál að læra og endalaust hægt að leika sér með málið.
Heimildarþáttaröð frá BBC þar sem David Attenborough fjallar um jörðina, fjölbreytileika hennar og náttúruöflin sem móta lífið hér. Þættirnir eru talsettir á íslensku.
Tvíburarnir Dr. Chris og Dr. Xand kynna nokkrar sturlaðar staðreyndir um mannslíkamann og gera skemmtilegar lífræðilegar tilraunir.
Í Nei sko ætlar Sævar Helgi Bragason að fræða okkur um hin ýmsu vísindi í okkar daglega lífi og gera flottar tilraunir - sumar getum við gert heima en aðrar eru aðeins hættulegri.
Í dag í Nei sko! fær Sævar góða gesti. Þau Ylfa og Máni sem að sjá um þáttinn Matargat í Stundinni okkar kíkja á Sævar og saman smakka þau allskonar mat og ræða það hvernig tungan virkar. Svo virðist t.d. sem kaffi og börn fari ekki vel saman.
Gestir: Ylfa Blöndal Egilsdóttir og Hilmar Máni Magnússon
Viltu læra að hugsa skapandi og fá hugmyndir? Ertu kannski alltaf að fá hugmyndir og langar að læra að koma þeim í framkvæmd?
Í þessum þáttum segja þau Birta og Jean frá því hvernig þú getur orðið hugmyndasmiður. Hugmyndasmiður er sá sem fær hugmynd og hefur hugrekki og kraft til að láta hana verða að veruleika.
Birta og Jean spjalla við íslenska hugmyndasmiði um uppfinningarnar þeirra og segja þér allt um það hvers vegna hugmyndasmiðir eru mikilvægir fyrir bæði nútíð og framtíð.
Handrit: Eva Rún Þorgeirsdóttir og Sævar Helgi Bragason
Myndataka og klipping: Elvar Örn Egilsson
Grafík: Ninna Margrét Þórarinsdóttir
Tónlist: Kristinn Júníusson
Framleiðsla og leikstjórn: Eva Rún Þorgeirsdóttir
Umsjón: Birta Steinunn Sunnu Ægisdóttir og Jean Daníel Seyo Sonde
Þættirnir eru framleiddir af KrakkaRÚV í samstarfi við verkefnið Hugmyndasmiðir, sem fræðir krakka um nýsköpun. Nánar um verkefnið á vefsíðunni hugmyndasmidir.is
Á Íslandi eru margir klárir hugmyndasmiðir. Birta og Jean spjalla við Guðmund, Rakel og Árna sem öll eru hugmyndasmiðir sem búa til vörur úr náttúrulegu efni.
Heimildarmynd í tveimur hlutum eftir Ágúst Guðmundsson og Jón Þór Hannesson um ævintýralegan feril Gunnars Þórðarsonar. Þroskasaga tónskálds sem aldrei fór í tónlistarskóla. Mörg vinsælustu lög síðustu áratuga eru frá Gunnari komin: Bláu augun þín, Þú og ég, Gaggó Vest, Vetrarsól, Þitt fyrsta bros og þannig mætti lengi telja. Árið 2005 voru hljóðrituð lög hans orðin 500 og síðan hefur bæst við. Á síðari árum hefur hann samið hljómsveitarverk og kórverk í klassískum stíl, enn fremur óperu sem þykir marka tímamót í íslenskri tónlistarsögu.
Gunnar Þórðarson vakti fyrst athygli í Hljómum frá Keflavík. Átján ára samdi hann Bláu augun þín og hélt áfram að semja tónlist fyrir Trúbrot, Ðe Lónlí Blú Bojs, Sléttuúlfana og Ríó, að Hljómum sjálfum ógleymdum. Hann hefur verið afkastamikill upptökustjóri og unnið að fjölda hljómplatna fyrir sjálfan sig og aðra. Ferill þessa hógværa hæfileikamanns er ævintýri líkastur.
Þættir þar sem matar- og tónlistarmenning á Íslandi er skoðuð með viðtölum við landsmenn. Gunnar Karl Gíslason og Sverrir Þór Sverrisson hitta fólk víða um land og kynna sér hefðir þeirra og lífsstíl.
Gunnar Karl og Sveppi halda á Snæfellsnesið til Kára á Rifi þar sem þeir ætla að halda páskaveislu. Á leiðinni koma þeir við hjá Ólínu á Arnarstapa, Víði í Gröf og á Grundarfirði þar sem þeir gæða sér á ýmsum kræsingum. Á Rifi bíður þeirra svo það krefjandi verk að undirbúa hundrað manna veislu, uppfulla af ljúffengum mat, tónlist og góðum gestum.
Íslensk kvikmynd frá 2022 í leikstjórn Hilmars Oddssonar. Þegar móðir Jóns og hans helsti áhrifavaldur fellur frá verða alger umskipti í lífi hans. Með uppáklætt líkið í aftursætinu og hundinn Brésnef sér við hlið tekst hann á hendur ferð þvert yfir landið til að heiðra hennar síðustu ósk. Mamma hefur hins vegar ekki sungið sitt síðasta. Aðalhlutverk: Þröstur Leó Gunnarsson, Kristbjörg Kjeld, Tómas Lemarquis og Hera Hilmarsdóttir.
Bresk sannsöguleg gamanmynd frá 2016 með Meryl Streep í hlutverki hefðarfrúarinnar Florence Foster Jenkins sem er staðráðin í að láta draum sinn um að verða óperusöngkona rætast þrátt fyrir að hafa litla sem enga sönghæfileika. Leikstjóri: Stephen Frears. Önnur hlutverk: Hugh Grant, Simon Helberg og Rebecca Ferguson.
An Icelandic film from 2022. The death of Jon‘s mother forces him to take on a journey with her corpse in the backseat to fulfill her last wish. The dog Bresnef tags along and the trip will be the gamechanger Jon never dreamt of. Starring: Þröstur Leó Gunnarsson, Kristbjörg Kjeld, Tómas Lemarquis og Hera Hilmarsdóttir.