Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Jafnvægisæfingar. Gott að hafa vegg eða stól til stuðnings.

Spurningakeppni framhaldsskólanna frá 1997. Spyrill: Davíð Þór Jónsson. Dómari og spurningahöfundur: Ragnheiður Erla Bjarnadóttir. Stigavörður: Katrín Jakobsdóttir. Dagskrárgerð: Andrés Indriðason.

Í þessum þætti mætast lið Menntaskólans á Akureyri og Menntaskólans á Egilsstöðum. Lið Menntaskólans á Akureyri skipa Arnljótur Bjarki Bergsson, Páll Þórsson og Særún María Gunnarsdóttir. Lið Menntaskólans á Egilsstöðum skipa Stefán Bogi Sveinsson, Þórður Mar Þorsteinsson og Hrafnkell Freyr Lárusson.

Þáttaröð frá 1998 þar sem Spaugstofumennirnir Karl Ágúst Úlfsson, Pálmi Gestsson, Randver Þorláksson, Sigurður Sigurjónsson og Örn Árnason bregða á leik. Stjórn upptöku: Sigurður Snæberg Jónsson.

Þættir frá 1999 þar sem raðað er saman ýmsum brotum sem tengjast menningu og listum, auk umræðu um fróðleg og framandi mál. Umsjón hefur Jónatan Garðarsson. Dagskrárgerð: Haukur Hauksson og Þiðrik Ch. Emilsson. e.

Þáttaröð þar sem Jónas Sen heimsækir átta íslenska söngvara og spjallar við þá um heima og geima. Þættirnir voru frumsýndir 2011. Stjórn upptöku: Jón Egill Bergþórsson.

Diddú byrjaði söngferilinn í Spilverki þjóðanna. Hún færði sig yfir í óperusöng tiltölulega seint en hefur samt aldrei sagt skilið við dægurtónlistina. Lögin sem Diddú flytur í þættinum endurspegla þessa miklu breidd. Í þættinum er fjallað um feril Diddúar, horfnar hetjur af íslensku óperusviði, heyrnarleysi, Jose Carreras, samspil lita og tónlistar, berdreymni og trú.

Finnlands-sænskir lífsstílsþættir þar sem meðal annars er fjallað um matreiðslu, garðyrkju og föndur.

Sex ungmenni leggja af stað í ferðalag með besta vini sínum og kynnast honum betur.

Dægurmálaþættir frá 1990. Umsjón: Valgeir Guðjónsson. Stjórnandi: Eggert Gunnarsson.

Þáttaröð frá 1990 þar sem ýmsir kunnir Íslendingar velja sín eftirlætisljóð og skýra frá ástæðum fyrir vali sínu. Umsjón: Pétur Gunnarsson og Valgerður Benediktsdóttir. Dagskrárgerð: Þór Elís Pálsson.

Ólíku eðlukrúttin Bubbi, Gunna og Tobbi eru fjörugir og skemmtilegir vinir sem búa í ævintýraheimi þar sem ekkert er ómögulegt.

Ibbi er sjálfsöruggur, forvitinn og hefur ótrúlegan áhuga flest öllu því sem fyrirfinnst í daglegu lífi. Hann er mjög hjálpsamur og hleypur iðulega undir bagga með öllum þeim sem þurfa á aðstoð að halda.

Lærið um tölustafina með Tölukubbunum!

Emilía uppgötvar að litli rauði hvolpurinn hennar að nafni Kátur hefur vaxið um þrjá metra á einni nóttu.

Nokkrir kunnulegir og ókunnulegir fiskar kynna sig fyrir áhorfendum.

Stuttir þættir þar sem Hrúturinn Hreinn og vinir hans fara á kostum.

Íslensk lög úr níunni. Hver eru uppáhalds níu-lögin þín? Þættir frá 2023 sem gerðir voru í tilefni 40 ára afmælis Rásar 2.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Stutt umfjöllun Sumarlandans sem var á flakki sumarið 2023 og hitti landann fyrir í sínu náttúrulega umhverfi, uppi á fjöllum, úti í garði, inni í skógi og allt um kring.

Leikin íslensk þáttaröð sem fjallar um fimm menntaskólanema, vináttu þeirra og áskoranir. Fimm einstaklingar á aldrinum 17-20 ára voru valdir til að taka þátt í að skapa og skrifa þáttaröðina undir leiðsögn Dominique Sigrúnardóttur leikstjóra og handritshöfundar. Þættirnir eru afrakstur samstarfs RÚV, Hins hússins og Reykjavíkurborgar.

Matti fær erfiðar fréttir og leitar til Almars frænda síns. Jósafat er enn týndur og vinirnir ákveða að halda minningarathöfn um hann.

Heimildarþáttaröð frá BBC þar sem sjónvarpsmaðurinn Simon Reeve ferðast um Norður-Ameríku. Á ferðalagi sínu kynnist hann mögnuðu landslagi og áhugaverðu fólki ásamt því að uppgötva ýmsar sjaldséðar hliðar heimsálfunnar.

Heimildarþættir frá 2022 sem fjalla um tónlistarmyndbönd nokkurra af stærstu poppstjörnum heims. Rætt er við leikstjóra, danshöfunda, gagnrýnendur og listafólkið sjálft.

Þáttaröð í 8 hlutum. Þættirnir fjalla um þjóðirnar sem taka þátt í HM kvenna í fótbolta sem haldið verður í júlí og ágúst. Við kynnumst þjálfurum og leikmönnum sem keppa um heimsmeistaratitilinn á þessum stærsta viðburði vinsælustu íþróttagreinar veraldar.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir

Spennuþættir frá BBC. Ung kona sem starfar á réttarrannsóknarstofu finnur upplýsingar um hvarf móður sinnar. Ásamt tveimur samstarfskonum sínum ákveður hún að grafast fyrir um málið en áttar sig fljótlega á því að ákveðnir aðilar vilja síður að hún sé að hnýsast. Aðalhlutverk: Laura Fraser, Michael Nardone, Jennifer Spence. Þættirnir eru ekki við hæfi barna yngri en 12 ára.