Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.
Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.
Friðþjófur forvitni er forvitinn og yndislegur api sem getur oft á tíðum verið full ævintýragjarn. Fylgjumst með ævintýrum hans og mannsins með gula hattinn eiganda hans.
Fjörugir þættir um sjóræningjastelpuna Rán og Sævar sem flýgur sinni eigin sjóflugvél.
Fallegir þættir um litla björninn Móa sem ferðast um allan heiminn á hjólinu sínu.
Þriðja serían af vinalega hundinum Sámi og krílunum sem vinna sér inn merki á leikskólanum hans.
Ólíku eðlukrúttin Bubbi, Gunna og Tobbi eru fjörugir og skemmtilegir vinir sem búa í ævintýraheimi þar sem ekkert er ómögulegt.
Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.
Matthildur er 12 ára stelpa sem býr yfir sérstöku leyndarmáli. Á hverjum degi þegar hún vaknar býr hún yfir nýjum ofurkrafti sem hún þarf að læra að stjórna. Aðeins besti vinur hennar veit af þessu og saman lenda þau í alls kyns ævintýrum.
Hvolparnir síkátu halda áfram ævintýrum sínum og hafa aldrei verið hressari.
Hressir teiknimyndaþættir um ævintýri sjóræningjanna í Daufhöfn og Matthildi vinkonu þeirra. Byggðir á samnefndum bókum í þýðingu Braga Valdimars Skúlasonar.
Rán er ung og hress stelpa sem styttir sér stundir með ímynduðu vinkonu sinni. En hún Rún virðist raunverulegri en flestir.
Heimspekilegar vangaveltur fyrir krakka á aldrinum 6-12 ára.
Sigurlaug Margrét Jónasdóttir fær til sín góða gesti úr öllum áttum og ræðir við þá undir fjögur augu. Gestirnir eiga það sameiginlegt að hafa áhugaverða sögu að segja. Dagskrárgerð: Ragnheiður Thorsteinsson.
Sterkar fyrirmyndir skipta Margréti miklu máli. Hún fær endalausarr hugmyndir og framkvæmir þær eiginlega allar. Margrét Jónsdóttir Njarðvík er gestur í Okkar á milli.
Heimildarþáttaröð í sex þáttum þar sem íslensk ljósmyndun er skoðuð út frá sjónarhorni lista, landslags, samtímans, skrásetningar, fréttaflutnings, fortíðar og framtíðar. Umsjón: Anna Gyða Sigurgísladóttir og Katrín Ásmundsdóttir. Stjórn upptöku og framleiðsla: Hrafnhildur Gunnarsdóttir.
Í þættinum er fjallað um frétta- og blaðaljósmyndun og tilgang hennar. Greinin er ung á Íslandi þar sem dagblöð komu frekar seint fram á sjónarsviðið. Þrátt fyrir það var hér á tímabili svokölluð gullöld blaðaljósmyndunar en hún er liðin undir lok enda er fjölmiðlaumhverfi gjörbreytt á stafrænum tímum. Þrátt fyrir það hefur mikilvægi og áhrifamáttur fréttamyndanna aldrei breyst.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Sigríður Hagalín Björnsdóttir hefur umsjón með þætti dagsins. Fyrsti gestur hennar í dag er Bjarni Benediktsson fjármálaráðherra. Því næst koma til þess að ræða féttir vikunnar þau Hildur Sverrisdóttir þingmaður Sjálfstæðisflokksins, Drífa Snædal fv. forseti ASÍ, Lára V. Júlíusdóttir lögmaður og Logi Einarsson þingflokksformaður Samfylkingarinnar.
Kveikur er fréttaskýringaþáttur þar sem áhersla er lögð á rannsóknarblaðamennsku og almennar fréttaskýringar. Ritstjórn og dagskrárgerð: Ingólfur Bjarni Sigfússon, Arnar Þórisson, Arnhildur Hálfdánardóttir, Árni Þór Theodórsson, Ingvar Haukur Guðmundsson, Jóhann Bjarni Kolbeinsson, Karl Newman, María Sigrún Hilmarsdóttir og Tryggvi Aðalbjörnsson.
Þúsundir tonna af dýrahræjum hafa verið urðaðar á Íslandi undanfarin ár, þótt það sé ólöglegt. Íslendingar henda 1,3 milljónum tonna af úrgangi á ári. Til stendur að loka langstærsta urðunarstað á Íslandi fyrir lok þessa árs, og nýr staður hefur ekki fundist.
Þjófar stela úr verslunum fyrir um sex milljarða króna árlega. Skipulagðir hópar fara um landið og sækja í tilteknar vöru sem eru ýmist sendar úr landi eða seldar innanlands. Verkfærum er stolið fyrir tugi ef ekki hundruð milljóna króna og finnast sjaldan. Kaupmenn gagnrýna lögreglu sem segist þurfa að forgangsraða.
Fróðlegir skemmtiþættir þar sem Sigtryggur Baldursson fjallar um örnefni á Íslandi frá ýmsum sjónarhornum. Dagskrárgerð: Guðlaugur Maggi Einarsson.
Útsendingar frá árlegu alþjóðlegu íþróttamóti í Reykjavík.
Bein útsending frá keppni í frjálsíþróttum á Reykjavíkurleikunum.
Útsendingar frá árlegu alþjóðlegu íþróttamóti í Reykjavík.
Bein útsending frá keppni í listskautum á Reykjavíkurleikunum.
Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.
„Núna er ég kominn á þann stað að ég er kominn með sjálfstraust til að segja að ég get farið að framleiða skíði,“ segir Dagur Óskarsson vöruhönnuður sem hefur unnið að því hörðum höndum undanfarin ár að hanna og smíða skíði úr íslenskum við.
„Þetta er búin að vera löng fæðing,“ segir Dagur en mikill tími hefur farið í samlímingar og prófanir auk þess sem hann hefur þurft að búa til flest verkfæri og tæki til framleiðslunnar sjálfur. „Þetta er bara einhver þráhyggja sko,“ segir Dagur og hlær. Draumurinn er að koma sér upp litlu verkstæði þar sem hann getur sérsmíðað skíði eftir óskum hvers og eins. Og þetta ætlar hann helst að gera heima hjá sér, á Þverá í Skíðadal.
„Hér er mikið líf og starfsemi á veturna tengt skíðum og hér eru stórkostleg fjöll og stórkostleg náttúra,“ segir Dagur. Hann er sannfærður um að ferðamenn sem koma á Tröllaskagann til að skíða niður brekkurnar kunni að meta það að geta keypt sér handunnin skíði smíðuð á staðnum. „Þetta er auðvitað þröngur hópur en ég tel að það sé markaður fyrir þetta.“ Landinn heimsótti Dag.
Bolli og Bjalla eyða Stundinni okkar úr manna minnum og þurfa að leggjast á eitt til að koma í veg fyrir að hún gleymist að eilífu.
Þau ferðast í gegnum sögu Stundarinnar okkar og hitta þar fyrrverandi þáttastjórnendur, þá Gunna og Felix, Björgvin Franz, Sigyn Blöndal, Flakkarann og fleiri góðkunningja.
Ætli Bolla og Bjöllu takist að bjarga Stundinni okkar fyrir jól eða ætli þau eyði jólunum líka?
Á morgun er hrekkjavaka og Bolli dregur fram galdrabókina hans afa Disks og breytir Bjöllu í allskonar furðuverur.
Hrefna er með hrekkjavökuþema í heimilisfræði og Ólafía og Hekla stelast í tilraunastofuna áður en tími byrjar.
Frímínútur eru frábærar! Í þessari fjörugu spurninga- og þrautakeppni mætast tvö lið þar sem þau leysa skemmtilegar þrautir og svara spurningum um allt milli himins og jarðar!
Umsjónarmenn eru Alex Eli Schweitz Jakobsson og Rebakka Rán Guðnadóttir
Að þessu sinni keppa Gróttumenn á móti Gróttustelpum í þrautunum Fílaða og Boltabækur.
Fílaða: Keppendur festa gorm við ennið á sér og reyna að sveifla gorminum upp á ennið. Liðið sem er undan vinnur.
Boltabækur: Keppendur rúlla tennisbolta í fötu, með þvi að nota bók sem stökkbretti. Liðið með fleiri bolta í fötu vinnur.
Keppendur;
Gróttumenn: Sigurður Halldórsson og Andrés Bjarnason
Gróttustelpur: Sigríður Sigurpálsdóttir Scheving og Emma Nardini Jónsdóttir
Allskonar skemmtileg lög fyrir yngri kynslóðina.
Góða nótt
Flytjandi: KK
Lag og texti: Ólafur Haukur Símonarson
Stuttir þættir þar sem þátttakendur og gestir deila frásögnum úr 50 ára sögu Listahátíðar í Reykjavík.
Stuart Skeleton, tenórsöngvari, og Geirþrúður Ása Guðjónsdóttir, fiðluleikari, segja frá Peter Grimes. Stefanía Guðmundsdóttir, listahátíðargestur, segir frá Ojos De Brujos.
Íþróttafréttir.
Þáttur um mannlífið í landinu. Landinn leitar uppi skemmtilegt fólk jafnt í borg sem sveit og skoðar áhugaverða staði landshorna á milli. Ritstjóri er Gísli Einarsson. Aðrir umsjónarmenn: Edda Sif Pálsdóttir, Hafsteinn Vilhelmsson, Sigrún Þuríður Runólfsdóttir og Þórdís Claessen. Dagskrárgerð: Magnús Atli Magnússon, Jóhannes Jónsson, Björgvin Kolbeinsson og Elvar Örn Egilsson.
Landinn fer í kynfræðslu á Kleppjárnsreykjum en í grunnskóla Borgarfjarðar er kynfræðsla á námskránni frá því í 1. bekk og upp í 10. Við hittum eina rósabóndann á Norðurlandi, förum í helgarnám í iðngreinum í Fjölbrautarskóla Norðurlands vestra, heimsækjum Þingvelli í vetrarbúning og æfum skemmtiatriðin fyrir þorrablót Fljótsdælinga
Heimildarþáttaröð um baráttuna við COVID-19 þar sem fylgst er með störfum þeirra sem stjórnuðu aðgerðum í faraldrinum. Í þáttunum er einblínt á mannlega hlið faraldursins og sagt frá sorgum og sigrum í baráttu þjóðarinnar við að hemja útbreiðslu veiru sem setti heimsbyggðina á hliðina. Leikstjóri: Sævar Guðmundsson. Framleiðendur: Sævar Guðmundsson, Jóhannes Kr. Kristjánsson, Anna Karen Kristjánsdóttir og Brynja Gísladóttir.
Bakvörður á Bergi í Bolungarvík er handtekinn og uppnám verður á spítalanum á Ísafirði. 102 ára kona smitast af COVID-19 og allt er gert til að hemja útbreiðslu smita.
Sannsögulegir þættir um veðmálahneyksli sem skók sænska íþróttaheiminn á árunum eftir 1990. Bosse er talnaglöggur og lunkinn við að tippa í þróttum. En því reyndari sem hann verður, því augljósara verður að ekki er allt með felldu í getraunaheimi Svíþjóðar. Aðalhlutverk: Björn Elgerd, Edvin Bredefeldt og Eva Melander. Þættirnir eru ekki við hæfi barna yngri en 12 ára.
Rúmensk spennumynd frá 2019. Lögreglumaðurinn Cristi lifir á jaðrinum sem uppljóstrari innan rúmensku mafíunnar og flugumaður glæpamanna innan lögreglunnar. Þegar þýfi upp á þrjátíu milljónir evra er annars vegar þurrkast öll skyldurækni endanlega út og engin leið að vita hverjum má treysta. Leikstjóri: Corneliu Porumboiu. Aðalhlutverk: Vlad Ivanov, Catrinel Marlon og Rodica Lazar. Myndin er ekki við hæfi barna yngri en 16 ára.
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Sigríður Hagalín Björnsdóttir hefur umsjón með þætti dagsins. Fyrsti gestur hennar í dag er Bjarni Benediktsson fjármálaráðherra. Því næst koma til þess að ræða féttir vikunnar þau Hildur Sverrisdóttir þingmaður Sjálfstæðisflokksins, Drífa Snædal fv. forseti ASÍ, Lára V. Júlíusdóttir lögmaður og Logi Einarsson þingflokksformaður Samfylkingarinnar.