Bein útsending frá upplýsingafundi Almannavarna vegna COVID-19.

Bein útsending frá upplýsingafundi almannavarnadeildar ríkislögreglustjóra og embættis landlæknis.

Egill Helgason tengir bækur við ýmsa staði á landinu.

Þættir frá 2016 þar sem litið er um öxl yfir 50 ára sögu sjónvarps og fróðleg og skemmtileg augnablik rifjuð upp með myndefni úr Gullkistunni. Kynnir er Jóhanna Vigdís Hjaltadóttir. Dagskrárgerð: Egill Eðvarðsson.

Heimildarmynd frá 2011 eftir Brynju Þorgeirsdóttur og Egil Eðvarðsson. Elva Dögg Gunnarsdóttir er með versta tilfelli touretteheilkennis sem læknir hennar hefur nokkru sinni séð. Hún er þjökuð af nánast stanslausum kækjum, meðal annars höfuðkippum, vindingum og óviðráðanlegri þörf fyrir að snúa sér í hringi á nokkurra skrefa fresti. Engin lyf hafa virkað og hennar síðasta von var að komast í aðgerð þar sem rafskaut yrðu grædd djúpt í heila hennar. Elva var fyrst íslenskra tourettesjúklinga til að fara í slíka aðgerð. Í myndinni sjáum við Elvu og fjölskyldu hennar takast á við allt ferlið með húmorinn og kærleikann að vopni.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Styrkjandi æfingar fyrir fótleggi. Sitjandi.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.

Rætt er við Huldu Þórisdóttur stjórmálasálfræðing um fjölþjóðlega rannsókn á tengslum stjórnmálaskoðana og tilhneigingu til að trúa samsæriskenningum. Litið er inn á sýningu á verkum Birgis Andréssonar myndlistarmanns. Rætt um verðbólguna sem mælist hærri en hún hefur gert í áratug.

24 stærstu bæjarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.

Fljótsdalshérað og Kópavogur keppa til úrslita í spurningakeppni sveitarfélaganna. Fyrir Kópavog keppa Víðir Smári Petersen, Hafsteinn Viðar Hafsteinsson og Kristján Guy Burgess og fyrir Fljótsdalshérað keppa Margrét Urður Snædal, Stefán Bogi Sveinsson og Þorsteinn Bergsson.

Íslensk heimildarþáttaröð þar sem við heyrum einstakar sögur fólks sem hefur látið gott af sér leiða á óeigingjarnan hátt í gegnum starf sitt eða daglegt líf. Í hverjum þætti eru sagðar sögur tveggja einstaklinga sem hafa lagt sig fram við að bæta og efla samfélagið á jákvæðan hátt. Umsjón: Viktoría Hermannsdóttir.

Í þessum þætti kynnumst við Sigurþóru Bergsdóttur, sem notaði sína eigin sáru reynslu af því að missa son sinn til þess að hjálpa öðrum ungmennum í vanda, þegar hún stofnaði Bergið - Headspace. Við hittum líka Bjartmar Leósson sem hefur á undanförnum árum fundið hundruð stolinna reiðhjóla og komið þeim í réttar hendur.

Heimildarþáttur um krabbamein í blöðruhálskirtli þar sem sjúklingar segja frá reynslu sinni og læknar fjalla um eðli, greiningu og meðhöndlun sjúkdómsins. Á Íslandi greinast um 200 karlmenn með krabbamein í blöðruhálskirtli á hverju ári og um 50 látast af völdum þess. Dagskrárgerð: Páll Kristinn Pálsson og Aðalgeir Gestur Vignisson.

Sigurlaug Margrét Jónasdóttir fær til sín góða gesti úr öllum áttum og ræðir við þá undir fjögur augu. Gestirnir eiga það sameiginlegt að hafa áhugaverða sögu að segja. Dagskrárgerð: Ragnheiður Thorsteinsson.

Ástvaldur Zenki Traustason segir að við mennirnir séum oftast of uppteknir af okkar eigin málum og huðarefnum til að heyra tungumál hjartans, sem talar þó til okkar öllum stundum. Ástvaldur er Zen munkur og einnig organisti í Bessastaðakirkju. Hann er gestur Sigurlaugar Margrétar í Okkar á milli

Norsk gamanþáttaröð tekin upp í Karls Jóhanns-götu í Osló. Þar getur næstum allt gerst og fólkið á götunni lendir óvart í sjónvarpinu. Umsjónarmenn eru Erik Solbakken og Hasse Hope. e.

Víkingur Heiðar Ólafsson og Halla Oddný Magnúsdóttir leiða áhorfendur í tali og tónum um töfraheima sígildrar tónlistar. Þau spjalla á léttu nótunum um tónlist frá ýmsum tímum auk þess sem Víkingur leikur verk af nýlegum hljómplötum sínum á sviði Eldborgar í Hörpu.

Dönsku matgæðingarnir James Price og Mette Blomsterberg hittast í Krónborgarkastala og töfra fram girnilega rétti.

Lærið um tölustafina með Tölukubbunum!

Vinalegi hundurinn Sámur hvetur börn til þess að kanna umhverfi sitt og takast á við verkefni í sameiningu.

Ástsælu Múmínálfarnir sem allir þekkja úr smiðju Tove Jansson mæta aftur og lenda í fleiri skemmtilegum ævintýrum.

Helstu fréttir settar fram á einfaldan og aðgengilegan hátt.

Umsjón og handrit: Ari Páll Karlsson og Embla Bachmann. Ritstjórn: Ari Páll Karlsson.

Fréttir á einföldu og auðskildu máli.

Krakkafréttir dagsins: 1. Að eiga mömmu eða pabba með krabba 2. Boris Johnson í klandri 3. Svínum fjölgar hratt

Umsjón: Kolbrún María Másdóttir

Brot úr tónlistarþáttunum Straumum.

Vikinglottó-útdráttur vikunnar.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Chanel Björk Sturludóttir, Guðrún Sóley Gestsdóttir og Sigríður Dögg Auðunsdóttir. Í beinni útsendingu alla virka daga á eftir Fréttum og Veðri.

Það kom mörgum á óvart sem horfðu á Kveik hversu lítil réttindi og aðkomu brotaþolar hafa að eigin málum í réttarkerfinu og hversu langan tíma málin taka oft. Háværar kröfur heyrast nú um að þessu verði að breyta ? en hvenær og hversu mikið? Það er í höndum Jóns Gunnarssonar, dómsmálaráðherra, sem var í viðtali.

Játak er nafn á átaksverkefni sem gengur út á að hvetja öll framboð til sveitastjórnarkosninga til að huga að fjölbreytni og stilla upp listum sem spanna fjölbreytt litróf mannlífsins. Við ræddum við Brynhildi Heiðar- og Ómarsdóttur sem er framkvæmdastýra Kvenréttindafélags Íslands.

Vetrarhátíð í Reykjavík hefst á morgun. Þá munu upplýst listaverk prýða borgina og slá á skammdegið með fjölbreyttum leiðum en fjörið hefst þó strax í kvöld, þar sem fyrsta verk hátíðarinnar verður tendrað eftir skamma stund. Kastljós var í beinni frá Ráðhúsi Reykjavíkur.

Þáttur sem er löngu orðinn ómissandi í bókmenntaumræðunni í landinu. Egill og bókelskir félagar hans fjalla sem fyrr um forvitnilegar bækur af ýmsum toga og úr öllum áttum. Umsjón: Egill Helgason. Dagskrárgerð: Jón Víðir Hauksson.

Fyrsta Kilja ársins er á dagskrá RÚV nú á miðvikudagskvöld klukkan 20.05. Við fjöllum um rit þar sem er rakin alvarleg en afar merkileg saga, höfundurinn er Erla Dóris Halldórsdóttir, sagnfræðingur og hjúkrunarfræðingur, en þarna segir frá sjúkdómnum mislingum á Íslandi, faröldrum sem gengu hér yfir, miklu mannfalli, vörnum gegn þessum vágesti og loks bólusetningum sem kváðu hann niður. Ólafur Sveinn Jóhannesson er skáld sem kveður sér hljóðs með ljóðabókinnni Klettur - ljóð úr sprungum. Þar er rakin af hispursleysi sagan af því þegar Ólafur stóð uppi föður- og móðurlaus og þurfti ungur að ala önn fyrir systkinum sínum. Í Bókum og stöðum förum við norður í Skagafjörð, á Hóla. Þar koma við sögu miklir biskupar, en lika skáld, brotamenn og ógæfumenn. Gagnrýnendur þáttarins fjalla um Meydóm eftir Hlín Agnarsdóttur og Hitann á vaxmyndasafninu eftir Ísak Harðarson.

Stuttir norskir þættir þar sem fólk ræðir alls kyns málefni yfir hádegismatnum.

Nýjustu fréttir og íþróttir kvöldsins. Alla mánudaga til fimmtudaga.

Veðurfréttir