Keflavík vann öruggan sigur á Þór Þorlákshöfn í kvöld í þriðja leik liðanna um Íslandsmeistaratitilinn í körfubolta. Keflavík var betra liðið allt frá fyrstu mínútu og gestirnir virtust aldrei líklegir til að ógna heimamönnum í kvöld. Að lokum munaði 14 stigum á liðunum, 97-83.
England, Króatía og Tékkland eru öll komin áfram í 16-liða úrslitin á EM eftir leiki kvöldsins. England vann góðan sigur á Tékklandi á heimavelli sínum og á sama tíma vann Króatía þægilegan sigur á Skotlandi í Glasgow. Skotland er því eina liðið í D-riðli sem situr eftir með sárt ennið.
Harlem Globetrotters hefur formlega óskað eftir því að verða eitt af keppnisliðunum í NBA deildinni. Félagið heldur því fram að körfubolti eigi félaginu mikið að þakka.
Sun Yang, margfaldur Ólympíumeistari í sundi, keppir ekki á Ólympíuleikunum í Tókýó eftir að Alþjóðaíþróttadómstóllinn (CAS), staðfesti keppnisbann hans.
Yfirvöld á Englandi ætla að leyfa yfir 60 þúsund áhorfendur á undanúrslitin og úrslitaleikinn á EM karla í fótbolta sem stendur nú yfir. Leikirnir verða spilaðir á Wembley-leikvanginum í London og leyfilegt verður að nýta 75% áhorfendapallanna.
