Fimmtudaginn 22. september verður Útvarpsþing Ríkisútvarpsins haldið  undir yfirskriftinni RÚV okkar allra – fyrir þig. Á þinginu verður stefna Ríkisútvarpsins til næstu ára ásamt framtíðarsýn og stefnuáherslum kynnt. 

Öflugir erlendir fyrirlesarar dýpka umfjöllun um helstu áhersluatriðin í stefnu RÚV á þinginu.

Sandy French, fréttastjóri DR fjallar um mikilvægi almannaþjónustumiðla í fréttaþjónustu, stafræna stefnu DR, og birtingarmynd hennar á samfélagsmiðlum og hvernig almannaþjónustumiðlar og einkamiðlar geta starfað samhliða.

Francesca Scott, sérfræðingur EBU á sviði fjölbreytileika, jafnræðis og þátttöku, fjallar um mikilvægi þess að auka fjölbreytileika og jafnræði í fjölmiðlum. 

Olivier van Duüren, stjórnunarráðgjafi hjá The Dualarity, um stjórnun stafrænna breytinga og hvernig tryggja megi árangur í hröðu umbreytingaferli. Að erindum loknum verða pallborðsumræður.

Dagskrá:
Stutt ávarp
Lilja Alfreðsdóttir, menningar- og viðskiptaráðherra

Stefna RÚV og stefnuáherslur
Stefán Eiríksson útvarpsstjóri

Fréttir og þjóðfélagsrýni
Sandy French, fréttastjóri danska Ríkisútvarpsins DR

Fjölbreytileiki, jafnræði og þátttaka
Francesca Scott, sérfræðingur EBU á sviði fjölbreytileika, jafnræðis og þátttöku

Stjórnun stafrænna breytinga
Olivier van Duüren stjórnunarráðgjafi hjá The Dualarity

Pallborðsumræður 

RÚV okkar allra - fyrir þig
Silja Dögg Gunnarsdóttir, formaður stjórnar RÚV

Fundarlok
Fundarstjóri: Heiðar Örn Sigurfinnsson, fréttastjóri RÚV

Skráning á útvarpsþing 

Útvarpsþingið stendur frá kl. 9 - 12

Boðið verður upp á léttar veitingar frá kl. 8.30 í Útvarpshúsinu.