RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Traustar fréttir

Mynd með færslu
 Mynd: Ragnar VIsage
Ný könnun MMR á trausti, sem framkvæmd var í nóvember, sýnir enn og aftur að landsmenn treysta fréttum RÚV.

Traust landsmanna á fréttaflutningi er mælt tvisvar á ári, í maí og nóvember, í samræmi við þjónustusamning RÚV og menntamálaráðuneytisins.  Ný könnun MMR sýnir að 70% aðspurðra bera mikið traust til fréttastofu RÚV.  Um 19% svara hvorki mikið né lítið traust en 11% bera lítið traust til fréttastofu RÚV.

Kannanir MMR hafa verið framkvæmdar með sambærilegum hætti frá 2017 og hefur traust fréttastofu aukist nokkuð frá þeim tíma.  Mest mældist traust fréttastofu 75% í nóvember í fyrra en minnst 64% í nóvember 2018.

*Könnunin var gerð 10. til 15. nóvember og náði til Íslendinga, 18 ára og eldri, sem valdir voru handahófskennt úr hópi álitsgjafa MMR.  Svarfjöldi var 918.