RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Traust á fréttastofu hefur aukist í faraldrinum

Mynd með færslu
 Mynd: Birgir Þór Harðarson - RÚV
Traust almennings á RÚV og fréttastofu RÚV eykst verulega samkvæmt nýrri könnun MMR.

Traust landsmanna á fréttastofu RÚV er mælt tvisvar á ári, í maí og nóvember, í samræmi við þjónustusamning RÚV og menntamálaráðuneytisins. Könnun MMR, sem var gerð í byrjun nóvember, sýnir að 75% aðspurðra bera mikið traust til fréttastofu RÚV. Það hefur aukist frá fyrra ári því það mældist að meðaltali 68% í könnunum 2019. 

Traust landsmanna á fréttaþjónustu RÚV er mikilvægt og þá sérstaklega á þeim óvenjulegu tímum sem við nú lifum.

Í sömu könnun var einnig spurt um traust almennings til RÚV í heild.  Rúmlega 74% svarenda báru frekar eða mjög mikið traust til RÚV.

*Könnunin var gerð 6.-11. nóvember og náði til Íslendinga, 18 ára og eldri, sem valdir voru handahófskennt úr hópi álitsgjafa MMR.  Svarfjöldi var 925.