RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Tilnefningar til Blaðamannaverðlauna opinberaðar

Mynd með færslu
 Mynd:
Tilnefningar dómnefndar til Blaðamannaverðlauna Blaðamannafélags Íslands hafa verið birtar. Verðlaunin eru veitt í fjórum flokkum og eru þrjár tilnefningar í hverjum flokki fyrir sig.

Verðlaunin verða veitt föstudaginn 1. apríl. Þann dag stendur Blaðamannafélag Íslands fyrir blaðamannadeginum. Markmiðið með honum að „vekja athygli á mikilvægi blaðamennsku, vekja áhuga á fjölmiðlun og stéttinni og veita innsýn í það mikilvæga starf sem balðamenn vinna í þágu samfélagsins og lýðræðisins“ eins og segir í kynningu Blaðamannafélags Íslands á deginum.

Fréttamenn RÚV fá tvær tilnefningar; Þórdís Arnljótsdóttir í flokknum umfjöllun ársins fyrir umfjöllun um jarðhræringar og eldgos í Fagradalsfjalli og Arnhildur Hálfdánardóttir í flokknum Blaðamannaverðlaun ársins fyrir umfjöllun sína um loftslagsmál í útvarpsþáttunum Loftslagsdæminu. Stundin og fréttastofa Stöðvar 2, Vísis og Bylgjunnar fá sitt hvorar þrjár tilnefningarnar; Fréttablaðið er með tvær tilnefningar og Morgunblaðið og Kjarninn með eina tilnefningu hvor miðill.

 

25.03.2022 kl.12:29
Valgeir Vilhjálmsson
Samskiptasvið
Birt undir: Í umræðunni, Í umræðunni