RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Nýjar siðareglur RÚV

Mynd með færslu
 Mynd:
Nýjar siðareglur Ríkisútvarpsins hafa tekið gildi, en reglurnar eru afrakstur yfirferðar og endurskoðunar á eldri reglum.

Þjónustusamningur menningarmálaráðherra og RÚV gerir ráð fyrir að umræddar reglur séu endurskoðaðar reglulega. Siðareglurnar fela í sér viðmið um hátterni starfsfólks Ríkisútvarpsins og er tilgangur þeirra að efla fagleg vinnubrögð og auka traust á starfsemi Ríkisútvarpsins. Í reglunum er fjallað um grunngildi Ríkisútvarpsins og starfsfólk þess, heilindi, hagsmunaárekstra, starfsumhverfi, jafnrétti, einelti, ofbeldi o.fl., samfélag og umhverfið. Gætt hefur verið að samræmi milli siðareglnanna og annarra reglna sem gilda um starfsemi Ríkisútvarpsins, þar á meðal reglna um fréttir og dagskrárefni tengt þeim í Ríkisútvarpinu og reglna um meðferð athugasemda og kvartana sem einnig hafa verið endurskoðaðar. Siðareglurnar hafa þegar tekið gildi og falla eldri siðareglur um leið úr gildi og siðanefnd, sem starfaði samkvæmt þeim, lætur af störfum.

Skjöl

20.06.2022 kl.17:07
Valgeir Vilhjálmsson
Samskiptasvið
Birt undir: Í umræðunni, Í umræðunni, siðareglur