RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Árshlutauppgjör RÚV ohf.

Mynd með færslu
 Mynd: Ragnar Visage - RÚV
Stjórn Ríkisútvarpsins ohf. samþykkti á fundi sínum í september sl. árshlutauppgjör fyrir samstæðu RÚV fyrir fyrri hluta yfirstandandi árs. Þetta er fyrsta árið sem samstæðuuppgjör er gert, þar sem dótturfélagið RÚV Sala ehf. tók til starfa í ársbyrjun 2020. Árshlutareikningurinn er aðgengilegur hér á heimasíðu RÚV.

Tap var á rekstri samstæðunnar sem nam 281 m.kr. fyrir skatta, en 242 m.kr. eftir skattalega færslu, samanborið við 112 m.kr. tap á sama tíma í fyrra. Helsta ástæða aukins taps eru áhrif COVID-19, en breytingar koma fram í tekjufalli vegna sölu auglýsinga, kostnaðar við dagskrárgerð vegna faraldursins og sóttvarna.  Einnig hefur lækkun á gengi krónunnar haft neikvæð áhrif á afkomu RÚV.

Þegar hefur verið gripið til ýmissa hagræðingaraðgerða til þess að takast á við þessa breyttu stöðu innan ársins. Á sama tíma hefur einnig verið lögð áhersla á það mikilvæga hlutverk sem RÚV gegnir, ekki síst í því ástandi sem nú er. Það hefur verið gert með ítarlegri miðlun frétta og upplýsinga um stöðu og þróun mála, opinni og lýðræðislegri umræðu um helstu álitaefni, fræðslu til fólks bæði almennt og ákveðinna hópa og með afþreyingarefni af öllu tagi.