Hafnarfjarðarkaupstaður

Það er stórfurðulegt og dálítið einmanalegt að vera landvörður á tímum kórónuveirunnar, segir landvörður Reykjanesfólkvangs. Síðasta sumar komu þúsund ferðamenn á dag á jarðhitasvæðið Seltún en núna koma fáir eða allt að hundrað á góðum degi.

Meirihluti bæjarstjórnar Hafnarfjarðar hafnaði á bæjarstjórnarfundi í gær tillögu frá fulltrúum minnihlutans um að breyta þóknun til kjörinna fulltrúa í Hafnarfirði þannig að fyrirhugaðar hækkanir á þingfararkaupi nái ekki til þeirra. 

Skjótur viðbragðstími og góð samvinna þeirra sem björguðu drengjunum sem voru í bíl sem fór í sjóinn Hafnarfjarðarhöfn í janúar varð ekki síst til þess að þeir lifðu slysið af. Aðstæður voru með versta móti og kafarar þurftu að þreifa fyrir sér í myrkri til að finna bílinn.

Helgi Valur Ingólfsson, sautján ára drengur sem var í bíl sem fór í sjóinn við Óseyrarbryggju í Hafnarfirði í janúar, er kominn heim af sjúkrahúsi. Drengirnir þrír sem voru í bílnum hafa því allir náð sér. Tveir þeirra eru fæddir árið 2002 og einn 2004. Móðir Helga Vals segir kraftaverk að þeir hafi allir komist lífs af úr slysinu.

Lögreglan er með tvö mál til rannsóknar þar sem grunur er um að konum hafi verið ráðinn bani á heimilum sínum. Þær létust með rúmlega viku millibili. Maður um þrítugt er grunaður um að hafa orðið móður sinni að bana í Hafnarfirði í nótt og er hann í haldi lögreglu. Maður um sextugt var handtekinn fyrir tæpri viku á heimili sínu í Sandgerði, grunaður um að hafa banað sambýliskonu sinni.

Sveitarfélögin sem eiga Sorpu bs. þurfa að ábyrgjast sex hundruð milljóna króna lán til að rétta af rekstur byggðasamlagsins. Stjórnarformaður Sorpu og nýráðinn framkvæmdastjóri segir að skoðað verði hvort hækka þurfi gjaldskrár til að mæta þessu. Svipuðum aðferðum verður beitt til að rétta af rekstur Sorpu bs. og gert var hjá Orkuveitunni eftir bankahrunið. Nýr framkvæmdastjóri Sorpu segir að aðgerðaáætlunin verði þó ekki nefnd Stóra planið eins og hjá Orkuveitunni.

Bæjarráð Hafnarfjarðar skipaði í síðustu viku starfshóp sem á að greina og skoða stöðu húsnæðismála stjórnsýslu Hafnarfjarðarkaupstaðar. Í erindisbréfi sem lagt var fyrir fundinn kemur fram að stjórnsýslan sé með aðsetur á fjórum stöðum, við Strandgötu, Linnetstíg og Norðurhellu.

Mennta-og lýðheilsusvið Hafnarfjarðar telur að ummæli sem Gunnar Helgason lét falla um Bandaríkin í Vikunni á RÚV hafi verið óheppileg. Þau hafi þó ekki verið í samræmi við það sem skólasamfélagið upplifði af heimsóknum hans í grunnskóla Hafnarfjarðar. Þetta kemur fram í tveggja síðna minnisblaði sem unnið var eftir að kvartað var undan orðum Gunnars í sjónvarpsþættinum til fræðsluráðs Hafnarfjarðar.

Stjórn Sorpu bs. fékk á þriðjudag andmæli Björns H. Halldórssonar framkvæmdastjóra við skýrslu Innri endurskoðunar Reykjavíkurborgar sem gerð var eftir að í ljós kom að 1,4 milljarða króna vantaði inn í áætlanir Sorpu.

Minjastofnun mátti ekki gera það sem skilyrði fyrir niðurrifi húss að nýbygging sem reisa átti í staðinn yrði með sama eða mjög svipuðu formi og gamla húsið. Minjastofnun setti þetta skilyrði fyrir niðurrifi húss frá árinu 1907 til að styrkja sögulega bæjarmynd Hafnarfjarðar. Hæstiréttur dæmdi í gær að Minjastofnun hefði ekki haft skýra lagaheimild til að setja slíkt skilyrði. Dómurinn sagði að slíkt skilyrði fæli í sér takmörkun á skipulagsvaldi sveitarfélaga og eignarráðum fasteignaeigandans.

Ástand tveggja drengja, sem slösuðust alvarlega þegar bíll fór í sjóinn við Óseyrarbryggju í Hafnarfirði á föstudagskvöld, er óbreytt, samkvæmt upplýsingum frá lögreglu. Drengirnir eru fæddir 2002 og 2004. Þriðji drengurinn, einnig fæddur 2002, komst sjálfur út úr bílnum. Hann sat í farþegasæti bílsins.

Vel tókst að koma taug í flutningaskip sem losnaði frá bryggju í Hafnarfjarðarhöfn á sjötta tímanum í morgun. Skipið var dregið að viðlegukannti í höfninni. Tólf voru um borð í skipinu, ellefu í áhöfn og einn frá Hafnarfjarðarhöfn.