Athugið þessi frétt er meira en 5 ára gömul.

Ylströnd við Urriðavatn verður að veruleika

16.01.2017 - 11:41
Mynd með færslu
 Mynd: Ylströnd við Urriðavatn - Aðsend mynd
Eigendur Bláa lónsins og Jarðbaðanna í Mývatnssveit ætla að taka þátt í að gera ylströnd við Urriðavatn í nágrenni Egilsstaða. Þeir ætla að verða stór hluthafi í verkefninu og verða samningar þess efnis undirritaðir síðar í dag.

Hópur heimamanna hefur í þrjú ár unnið að því að koma framkvæmdum af stað. Ellefu hluthafar hafa samtals skuldbundið sig til að leggja 280 miljónir í verkefnið en heildarkostnaður er áætlaður um 500 milljónir króna. Ívar Ingimarsson einn hluthafa segir að nú sé næg fjármögnun tryggð til að ylströndin verði að veruleika. „Með þeirra aðkomu er það skref stigið að þetta mun klárast. Þetta eru aðilar sem þekkja svona verkefni vel og mikið fagnaðarefni að fá þá að borðinu.“

Á ylströndinni verður heitt vatn úr borholum við Urriðavatni nýtt til baðaðstöðu.  Þannig verður heimamönnum og ekki síst ferðamönnum gert kleyft að baða sig í vatninu og stefnt er að opnun vorið 2019. 

Árlega er haldið Urriðavatnssund en það er ein af fjórum keppnisgreinum í svokölluðum Landvættum. 

runarsr's picture
Rúnar Snær Reynisson
Fréttastofa RÚV