Athugið þessi frétt er meira en 2 ára gömul.

Yfir 1700 staðir ljósleiðaravæddir næstu 3 ár

02.04.2019 - 12:55

Innlent · Austurland · Norðurland · Suðurland · Vestfirðir · Vesturland

Mynd: RÚV

Fjarskiptasjóður og samgöngu- og sveitarstjórnarráðuneytið hafa samið við 23 sveitarfélög um að leggja ljósleiðara á rúmlega 1700 bæi og aðrar byggingar í dreifbýli á þremur árum. Langstærstu verkefnin eru í Borgarbyggð, Bláskógabyggð og á Fljótsdalshéraði. Þetta er lokaáfangi verkefnisins Ísland ljóstengt og kostar ríkið hátt í einn og hálfan milljarð til ársins 2021.

Ísland ljóstengt hófst árið 2016 og þetta er fjórða úthlutun Fjarskiptasjóðs og verur fjármagnið nýtt til tenginga á þessu ári og tveimur næstu, með fyrirvara um fjárlög. Enn fleiri hús sem ekki eru styrkhæf verði tengd í leiðinni, svo sem sumarbústaðir. Hæsti styrkurinn fer til Borgarbyggðar sem fær tæpar 527 milljónir til að tengja 440 bæi. Styrkurinn skiptist í byggðastyrk frá Samgöngu- og sveitarstjórnarráðuneytinu og samvinnustyrk frá Fjarskiptasjóði. Til að fá hann þurfa sveitarfélög og notendur sjálfir að greiða samtals minnst hálfa milljón í mótframlag fyrir hvern tengdan stað. Fljótsdalshérað fær næst hæstu styrkina 233 milljónir til að tengja næstum 300 byggingar og Bláskógabyggð samtals 147 milljónir til að tengja 230 staði.

Á vef ráðuneytisins segir að nú sé búið að semja um hátt í 6000 tengingar 5.750. Hlutfall styrkhæfra bygginga sem tengdar verða í verkefninu öllu stefni í að verða vel yfir 90%.

Sveitarfélag Frá Fjarskiptasjóði Byggðastyrkur Tengingar

Bláskógabyggð 132.929.032 14.000.000 230

Bolungarvíkur 3.440.000 11

Borgarbyggð 506.600.000 20.000.000 440

Dalabyggð 17.100.000 12.000.000 20

Fjarðabyggð 13.000.0000 0

Fljótsdalshérað 213.075.289 20.000.000 294

Flóahreppur 32.160.000 67

Hrunamannahr. 32.438.710 81

Húnaþing vestra 58.400.000 10.000.000 57

Ísafjarðarbær 14.577.672 10.000.000 26

Langanesbyggð 10.100.000 10.000.000 14