Athugið þessi frétt er meira en mánaðargömul.

Vottar frönsku þjóðinni samúð borgarbúa

14.11.2015 - 17:40
Dagur B. Eggertsson, borgarstjóri, í viðtali við fréttastofu RÚV.
 Mynd: RÚV
„Hugur okkar allra er hjá frönsku þjóðinni, íbúum Parísarborgar, fórnarlömbum árásarinnar, ættingjum þeirra og vinum“, segir Dagur B. Eggertsson borgarstjóri Reykjavíkur, um voðaverkin í París í gær.

Borgarstjóri sendi í dag fyrir hönd höfuðborgarbúa samúðarskeyti til Anne Hidalgo, borgarstjóra Parísar og Francois Hollande forseta þar sem árásirnar eru harmaðar.  

Þjóðfánar Frakklands og Íslands voru í morgun dregnir í hálfa stöng við Ráðhús Reykjavíkur, sem í kvöld verður lýst í fánalitum. 

 

Ásrún Brynja Ingvarsdóttir
Fréttastofa RÚV