Mynd: Björn Malmquist - RÚV
Athugið þessi frétt er meira en 3 ára gömul.
Vatn flæðir upp á þjóðveg - afleggjari rofinn
Vatn er tekið að flæða upp á þjóðveg eitt við afleggjarann að bænum Skál í Eldhrauni fyrir vestan Kirkjubæjarklaustur. Vatnshæðin hefur aukist hratt þar. Rétt upp úr klukkan þrjú kom grafa á staðinn til að rjúfa skarð í afleggjarann svo veita megi vatninu frá þjóðveginum.
Vegfarendur eru hvattir til að fara varlega um þessar slóðir. Lögreglan er á vettvangi til að stýra umferð. Þjóðvegurinn er enn opinn fyrir umferð á þessum slóðum en mjög er farið að hægja á umferð vegna vatnavaxtanna.
Mynd: Björn Malmquist - RÚV
Mynd: Björn Malmquist - RÚV
Mynd: Björn Malmquist - RÚV
