Mynd:
Athugið þessi frétt er meira en 7 ára gömul.
Varað við djúpri haustlægð
Veðurstofan varar við krappri og djúpri lægð sem kemur að landinu úr suðvestri aðfaranótt sunnudags, með stormi og rigningu. Búist er við suðaustan- og austanátt, 18-25 m/s, og allt að 28 m/s á hálendinu. Búast má við snörpum vindhviðum við fjöll, allt að 45 m/s.
Útlit er fyrir talsverða rigningu víða um land og mikla úrkomu suðaustantil. Dregur úr vindi og úrkomu aðfaranótt mánudags. Hiti verður á bilinu 10 til 17 stig og er búist við að öll úrkoman verði í formi rigningar, einnig á hæstu jöklum.
Veðurstofan segir að ekkert ferðaveður verði á morgun og hvetur fólk til að ganga frá lausum munum utandyra.
