Vara við hellaskoðun vegna lífshættulegra aðstæðna

Mynd með færslu
 Mynd: Ellert Grétarsson
Veðurstofa Íslands varar við hellaskoðun í Eldvörpum á Reykjanesskaga eftir að gasmælingar voru gerðar þar í gær. Slíkar mælingar eru nú gerðar vikulega í tengslum við eftirlit með landrisi við fjallið Þorbjörn í kjölfar jarðskjálftahrinu sem hófst í lok janúar.

Í tilkynningu frá náttúruvársérfræðingum Veðurstofunnar kemur fram að breytinga hefur orðið vart í mælingum á svæðinu og því er varað við hellaskoðun. Mælingar sýndu lífshættuleg gildi koltvísýrings og súrefnisleysi í helli.

„Margir hellar eru á svæðinu en hellirinn sem um ræðir er við bílastæði þar sem vinsælt er að leggja upp í skoðun á Eldvörpunum,“ segir í tilkynningunni. Almannavörnum hefur jafnframt verið gert viðvart um stöðu mála.