Mynd: RÚV
Athugið þessi frétt er meira en 2 ára gömul.
Umferðarljós á Sæbraut endurnýjuð á morgun
Á morgun verða umferðarljós á gatnamótum Sæbrautar og Snorrabrautar endurnýjuð. Vinna við ljósin hefst eftir klukkan níu. Á meðan á vinnu stendur er vinstri beygja af Sæbraut inn Snorrabraut bönnuð. Umferð verður beint um hjáleiðir um Borgartún, Katrínartún og Skúlagötu.
Þetta kemur fram í tilkynningu á vef Reykjavíkurborgar.
Þá verður einnig unnið að malbiksviðgerðum á Sæbraut, frá Holtsvegi að Skeiðarvogi á morgun, segir á vef Vegagerðarinnar. Vegna viðgerðanna verður einni akrein lokað og þrengt að umferð. Áætlað er að vinna standi yfir frá klukkan níu til klukkan tvö.
Miðvikudaginn 28. ágúst er stefnt að malbiksviðgerðum á Sæbraut, frá Holtsvegi að Skeiðarvogi. Einni akrein verður lokað og þrengt að umferð. Áætlað er að vinna standi yfir frá kl. 9:00 til 14:00. #vegavinna pic.twitter.com/knuZ1Gk9R8
— Vegagerðin | Iceland Roads (@Vegagerdin) August 27, 2019
