Athugið þessi frétt er meira en 3 ára gömul.

Tufegdzic tekur við Grindavík

Mynd með færslu
 Mynd: YouTube - Skjáskot

Tufegdzic tekur við Grindavík

06.10.2018 - 16:33
Srdjan Tufegdzic hefur verið ráðinn þjálfari karlaliðs Grindavíkur í fótbolta. Þetta kemur fram í tilkynningu frá félaginu í dag.

Tufegdzic tekur við liðinu af Óla Stefáni Flóventssyni, sem var nýverið ráðinn nýr þjálfari KA. Tufegdzic var þjálfari KA í sumar svo þjálfaraskipti verða hjá félaginu.

Tufegdzic kom fyrst til KA-liðsins árið 2006 sem leikmaður en hann var aðstoðarþjálfari Bjarna Jóhannssonar áður en hann tók við sem þjálfari liðsins eftir tímabilið 2015. Hann kom KA upp í efstu deild á sínu fyrsta tímabili sem þjálfari liðsins.

Yfirlýsing Grindavíkur

Knattspyrnudeild Grindavíkur hefur samið við Srdjan Tufegdzic (Túfa) um þjálfun meistaraflokks karla næstu þrjú árin. Túfa tekur við af Óla Stefáni sem fór til KA nýverið og má því segja að við höfum haft makaskipti á þjálfurum í þessum efnum. 

Túfa var þjálfari hjá KA frá 2016 og þar á undan leikmaður hjá þeim frá árinu 2005. Túfa er ungur og metnaðarfullur þjálfari og vonumst við til þess að samstarfið verði farsælt. Við viljum bjóða hann velkominn til starfa hjá Grindavík.