Þórður er nýútskrifaður leikstjóri frá National Film and Television School í Bretlandi, og stundaði áður nám við Kvikmyndaskóla Íslands. Útskriftarmynd hans Brothers hlaut í sumar sérstaka viðurkenningu dómnefndar á stuttmyndahátíð í Palm Springs í Kaliforníu.

Nordic Talents er svokölluð „pitchkeppni“ þar sem nýútskrifaðir kvikmyndanemar kynna verkefni sem þeir hafa í þróun. Verkefni Þórðar ber heitið Stuck in Dundalk.

Leikstjórinn Rúnar Rúnarsson var í dómnefnd keppninnar í ár, en hann hefur sjálfur hlotið verðlaunin fyrir kvikmyndina Eldfjall.