Athugið þessi frétt er meira en 2 ára gömul.

Þingmaður skaut á mótmælendur við þinghúsið

Ruling party Senator Ralph Fethiere fires his gun outside Parliament as he arrives for a vote on the ratification of Fritz William Michel's nomination as prime minister in Port-au-Prince, Haiti, Monday, Sept. 23, 2019. Opposition members confronted ruling-party senators, and Fethiere pulled a pistol when protesters rushed at him and members of his entourage. The vote was cancelled. (AP Photo/Dieu Nalio Chery)
Þessa mynd tók ljósmyndari AP-fréttastofunnar, Dieu Nalio Chery, af öldungadeildarþingmanninum Jean Marie Ralph Féthière augnabliki áður en hann varð fyrir skoti úr byssu hans. Mynd: AP
epa07864964 Photojournalist Chery Dieu-Nalio (C), who was shot Monday by Haitian senator Jean Marie Ralph Féthière at the gates of the upper house, receives medical attention in Port-au-Prince, Haiti, 23 September 2019.Chery Dieu-Nali reported that the legislator "started shooting everywhere." Dieu-Nalio, who spoke at the hospital where he is being treated, explained that before the beginning of the Senate session there was a demonstration in front of the Legislative headquarters, in which the activists, supported by several opposition senators, objurgated the official senators.  EPA-EFE/Jean Marc Herve Abelard
Chery Dieu-Nalio, ljósmyndari AP-fréttastofunnar, var fluttur á sjúkrahús þar sem gert var að sári hans, sem reyndist ekki alvarlegt. Litlu mátti þó muna að illu færi, því skotið hæfði hann í hálsinn.  Mynd: EPA-EFE - EFE
Öldungadeildarþingmaður á Haítí dró fram skammbyssu og hóf skothríð á hóp fólks fyrir utan þinghúsið í Port-au-Prince í gær. Særði hann tvo menn með skotum sínum, annar þeirra er fréttaljósmyndari AP-fréttastofunnar en hinn lífvörður og einkabílstjóri. Sár tvímenningana eru ekki sögð alvarleg.

Talsverður fjöldi fólks hafði safnast saman til mótmæla við þinghúsið, þar sem forseti landsins freistaði þess að fá tilnefningu sína á nýjum forsætisráðherra staðfesta í öldungadeild þingsins. Öryggisvörðurinn sagði fréttamönnum að hann hefði séð Jean Marie Ralph Féthière, öldungadeildarþingmann frá norðurhluta landsins, munda byssuna þar sem hann freistaði þess að komast akandi frá þinghúsinu í gegnum hóp mótmælenda. Annar þingmaður sagðist hafa heyrt Féthière vara fólk við því að hann myndi skjóta, fengi hann ekki að komast leiðar sinnar óhindrað.

Ber við sjálfsvörn

Sjálfur réttlætti Féthière gjörðir sínar í útvarpsviðtali skömmu síðar, þótt hann hafi ekki viðurkennt það berum orðum að hafa hleypt af skotum.Sagði hann að hópar „ofbeldisfullra mótmælenda" hefðu ráðist á hann og reynt að draga hann út úr bílnum. Hann hefði neyðst til að verja sig, og sjálfsvörn væri heilagur réttur hvers manns.

Hörð mótmæli gegn Jovenel Moïsi forseta og stjórn hans hafa nú staðið í rúma viku á Haítí. Mikill og viðvarandi eldsneytisskortur og hækkandi verðlag á nauðsynjavörum eykur enn á örvæntingu og reiði fólks í landi, þar sem langflestir þurfa að þrauka langt undir fátæktarmörkum.

Ævar Örn Jósepsson
Fréttastofa RÚV