Athugið þessi frétt er meira en 9 ára gömul.

Tekinn með kannabis í Bláa lóninu

13.08.2012 - 14:31
Mynd með færslu
 Mynd:
Lögreglan á Suðurnesjum handtók í gærkvöld karlmann á þrítugsaldri í Bláa lóninu. Maðurinn var grunaður um vörslu fíkniefna.

Sígarettupakki hafði fallið úr vasa á baðslopp mannsins á bakka lónsins og reyndist í honum vera glær poki. Í pokanum var grænt efni sem talið er vera kannabisefni.

Í skáp mannsins í baðklefanum fannst síðan hjartastuðtæki, sem horfið hafði úr sjúkraherbergi Bláa lónsins. Var það vafið inn í blátt handklæði. Þá hafði hann tekið út veitingar fyrir rúmlega 10 þúsund krónur, sem hann kvaðst síðan ekki vera borgunarmaður fyrir.

Loks reyndist maðurinn vera með fjóra farsíma þegar hann var handtekinn. Grunur leikur á að um þýfi sé að ræða.