Athugið þessi frétt er meira en 9 ára gömul.

Svalbarðshreppur

14.05.2014 - 17:48
Mynd með færslu
 Mynd:
Í Svalbarðshreppi bjuggu 90 þann 1. janúar 2014. Sveitarfélagið er í 69. sæti yfir fjölmennustu sveitarfélög landsins. Þar verður óhlutbundin kosning í komandi sveitarstjórnarkosningum.

Í síðustu kosningum var óhlutbundin kosning. Þá eru persónukosningar þar sem kosning er ekki bundin við framboð. Allir kjósendur eru í kjöri nema þeir sem eru löglega undanþegnir skyldu til að taka kjöri eða hafa fyrirfram skorast undan því. Alls voru 79 á kjörskrá, atkvæði greiddu 62. Oddviti hreppsnefndar er Elfa Benediktsdóttir.

Í Svalbarðshreppi er innheimt hámarksútsvar. Skatttekjur á hvern íbúa árið 2012 námu 609.500 krónum, þegar framlag Jöfnunarsjóðs sveitarfélaga er talið með, sem er nokkru yfir landsmeðaltali. Gert er ráð fyrir að sveitarfélagið fái rétt rúmar fimmtán milljón króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 19,1 % af árstekjum. Samkvæmt samantekt Íslandsbanka frá því í febrúar 2013 var Svalbarðshreppur eitt þeirra sveitarfélaga sem skuldar lítið og stendur rekstur vel undir núverandi skuldsetningu, miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.