Athugið þessi frétt er meira en 4 ára gömul.

Nýtt útlit LR tilnefnt til verðlauna

Mynd með færslu
 Mynd: Hari

Nýtt útlit LR tilnefnt til verðlauna

17.10.2017 - 14:41

Höfundar

Nýtt útlit Listasafns Reykjavíkur hefur verið tilnefnt til Beazley hönnunarverðlaunanna. Hönnunarstofan Karlssonwilker hannaði útlitið.

Hönnunarstofan Karlssonwilker hefur verið tilnefnd til Beazley hönnunarverðlaunanna fyrir nýtt útlit Listasafns Reykjavíkur. Það er hið virta Design Museum í London sem stendur fyrir verðlaununum

Á morgun, 18. október, opnar sýning í safninu á tilnefningunum. Samtímis verður opnað fyrir kosningar um bestu hönnunina en sýningin stendur fram í janúar 2018, þegar tilkynnt verður um vinningshafa.

Mynd: Karlssonwilker / Karlssonwilker

Hjalti Karlsson, annar stofnandi hönnunarstofunnar Karlssonwilker, sem staðsett er í New York, er grafískur hönnuður, fæddur árið 1967. Hann lærði grafíska hönnun í Parsons listaskólanum í New York og hefur búið og starfað þar í borg árum saman. Karlssonwilker hönnunarstofan hefur hlotið hinar ýmsu viðurkenningar fyrir hönnun sína.

Tilnefningar Design Museum í ár eru sextíu talsins en tilnefnt er í sex flokkum; Arkitektúr, stafrænni hönnun, tískuhönnun, grafískri hönnun, vöruhönnun og hönnun á samgöngum.