Bæjarráð Fjarðabyggðar ásamt Karli Óttari Péturssyni bæjarstjóra. Frá vinstri: Dýrunn Pála Skaftadóttir, Eydís Ásbjörnsdóttir, Karl Óttar Pétursson, Rúnar Gunnarsson og Jón Björn Hákonarson. Mynd: Fjarðarbyggð
Athugið þessi frétt er meira en mánaðargömul.
Nýr bæjarstjóri í Fjarðabyggð
Karl Óttar Pétursson hefur verið ráðinn í starf bæjarstjóra Fjarðabyggðar. Gengið var frá ráðningunni á fundi bæjarráðs í morgun.
Karl Óttar er 47 ára gamall og hefur á undanförnum árum starfað sem forstöðumaður lögfræðisviðs Arion banka.
Hann lauk BA-prófi í sagnfræði frá Háskóla Íslands árið 1995 með heimspeki sem aukagrein. Karl Óttar lauk embættisprófi í lögfræði frá Háskóla Íslands árið 2002 og hlaut löggildingu sem héraðsdómslögmaður árið 2011.
Áður hefur hann starfað hjá Héraðsdómi Vestfjarða og Kaupþingi. Frá árinu 2014 hefur hann verið framkvæmdastjóri tónlistarhátíðarinnar Eistnaflugs á Neskaupstað og hefur því góða tengingu við Fjarðabyggð að því er fram kemur í tilkynningu á heimasíðu Fjarðabyggðar.
