Athugið þessi frétt er meira en 3 ára gömul.

Njörður leiðir lista Okkar Hveragerðis

Mynd með færslu
Frambjóðendur hjá Okkar Hveragerði.  Mynd: Okkar Hveragerði - Aðsend mynd
Njörður Sigurðsson, bæjarfulltrúi og sviðsstjóri hjá Þjóðskjalasafni Íslands, skipar efsta sætið á framboðslista Okkar Hveragerðis. Listinn var kynntur á fundi á Rósakaffi 22. apríl síðastliðinn. Í tilkynningu frá framboðinu segir það samanstandi af hópi fólks sem hafi áhuga á bæjarmálum í Hveragerði, velferð íbúa Hveragerðis og hagsmunum sveitarfélagsins.

Þórunn Pétursdóttir, landfræðingur og sérfræðingur á þróunarsviði Landgræðslunnar, skipar annað sæti listans og Friðrik Örn Emilsson, söngvari og sálfræðinemi það þriðja.

Helstu áherslumál framboðsins eru efling atvinnu í sveitarfélaginu, að koma upp húsnæðisleigufélagi sem rekið er án hagnaðarsjónarmiða, endurreisa hverasvæðið til fyrri vegs og virðingar, innleiða 36 tíma vinnutíma hjá starfsfólki Hveragerðisbæjar, standa vörð um gróðurhúsin í bænum sem eru megineinkenni byggðarinnar, að Hveragerði verði leiðandi í umhverfismálum á landinu og að börn geti æft íþróttir fyrir aðeins eitt gjald.

Listinn er eftirfarandi:

1. Njörður Sigurðsson, sagnfræðingur og bæjarfulltrúi.

2. Þórunn Pétursdóttir, landfræðingur.

3. Friðrik Örn Emilsson, söngvari og sálfræðinemi.

4. Sigrún Árnadóttir, grunnskólakennari.

5. Hlynur Kárason, húsasmiður.

6. Unnur Birna Björnsdóttir, tónlistarkona og kennari.

7. Gunnar Biering Agnarsson, verslunarmaður.

8. Sandra Sigurðardóttir, íþrótta- og heilsufræðingur.

9. Garðar Atli Jóhannsson, byggingafræðingur og verkefnastjóri.

10. Árdís Rut Hlífardóttir, húsmóðir og nemi.

11. Kristján Björnsson, húsasmiður.

12. Viktoría Sif Kristinsdóttir, grunnskólakennari og bæjarfulltrúi.

13. Kristinn Grétar Harðarson, yfirmaður tölvumála í Árborg, tæknimaður og trommuleikari.

14. Anna Jórunn Stefánsdóttir, talmeinafræðingur.

 

dagnyhe's picture
Dagný Hulda Erlendsdóttir