Athugið þessi frétt er meira en mánaðargömul.

Næstum helmingur ók of hratt

Mynd með færslu
 Mynd:
Hátt í helmingur ökumanna ók of hratt á þeim tíma sem lögregla var við hraðaeftirlit á Breiðvangi í Hafnafirði í dag.

Fimmtán ökumenn gerðust brotlegir við umferðalög á einni klukkustund á Breiðvangi í Hafnarfirði í dag. Fylgst var með ökutækjum sem var ekið Breiðvang í suðurátt, að Hjallabraut. Alls fóru 34 ökutæki þessa akstursleið og því ók hátt í helmingur ökumanna, eða 44%, of hratt eða yfir afskiptahraða. Meðalhraði hinna brotlegu var 43 km/klst en þarna er 30 km hámarkshraði. Sá sem hraðast ók mældist á 51.

Vöktun lögreglunnar á Breiðvangi er liður í umferðareftirliti hennar á höfuðborgarsvæðinu, en ábendingar höfðu borist um hraðakstur á þessum stað.