Athugið þessi frétt er meira en 6 ára gömul.

Moska framlag Íslands á Feneyjatvíæringnum

Mynd með færslu
 Mynd: RÚV

Moska framlag Íslands á Feneyjatvíæringnum

30.04.2015 - 22:24

Höfundar

Framlag Íslendinga á Feneyjatvíæringnum í sumar verður moska. Svissneski myndlistarmaðurinn Christoph Büchel tekur þátt fyrir hönd Íslands á myndlistarhátíðinni.

Verkið sem hann vinnur nú að hörðum höndum heitir Moskan: fyrsta moskan í hinni sögufrægu borg Feneyjum. Verkið er unnið í samstarfi við samfélög múslima á Íslandi og í Feneyjum, að því er fram kemur í fréttatilkynningu frá upplýsingastöð íslenskrar myndlistar. Moskan verður í yfirgefinni kirkju frá tíundu öld, og verður opin bæði múslimum og öðrum gestum sýningarinnar. Í tilkynningunni segir að Büchel vilji með verkinu vekja athygli á pólitískri stofnanavæðingu aðskilnaðar og fordóma, hvar sem er í heiminum.