María Finnbogadóttir sigraði í svigi á alþjóðlegu móti

Mynd með færslu
 Mynd: SKÍ

María Finnbogadóttir sigraði í svigi á alþjóðlegu móti

15.01.2020 - 14:14
María Finnbogadóttir, A-landsliðskona í alpagreinum, sigraði í dag í svigi á ungverska meistaramótinu fyrir 16-20 ára keppendur.

María, sem er fædd árið 2000, var með besta tímann í fyrri ferðinni og þann annan í seinni ferðinni. Að lokum sigraði hún með 52/100 úr sekúndu og er þetta fyrsti sigur María á alþjóðlegu FIS móti á erlendri grundu raunin.

María segir að tilfinningin eftir að hún vissi að hún myndi vinna hafi verið mjög góð. „Fyrsta ferðin var mjög góð en í seinni ferðinni gerði ég stór mistök og rétt svo náði að halda mer inni á brautinni, og ég hélt að þetta myndi ekki duga til en það gerði það," segir hún.

Hún segist hafa verið bjartsýn fyrir keppnina enda ein af sterkustu á heimslistanum af þeim sem taka þátt í þessu móti.  ​​​​​„Ég fór í þetta til að vinna þetta og hafði fulla trú á því," segir hún. Áætlað var að María myndi keppa í fullorðinsflokki á morgun en nú hefur verið hætt við það.

Í staðinn keppir María í stórsvigi á FIS-CIT móti í Reiteralm í Austurríki um næstu helgi. „Þetta mót var góð æfing en það eru fjölmörg mót framundan," segir María sem er bjartsýn fyrir framhaldinu.

Mynd með færslu
 Mynd: Skíðasamband Íslands
María Finnbogadóttir