Lítið sést á Strokki eftir „bleikt gos“

24.04.2015 - 18:36
Mynd með færslu
 Mynd: Anton Brink RÚV - RÚV Anton Brink
Lítið sést á Strokki, einu helsta aðdráttarafli Geysis-svæðisins í Haukadal, eftir að listamaðurinn Marco Evarist­ti hellti bleikum ávaxtalit í hverinn. Ekki hefur verið tekinn skýrsla af listamanninum sem er frá Síle en er stundum kallaður pörupiltur í dönsku listalífi.

Visir.is greindi fyrst frá myndbandinu í morgun.  Þar sagði Marco að þetta væri listrænn gjörningur og að með þessu væri hann að gera landslag að einhvers konar málverki.

Mbl.is ræddi enn frekar við Marco í dag. Hann sagðist vera landslagsmálari sem noti þó ekki striga heldur máli beint á náttúruna. 

The Rauður Thermal Project, 2015

Posted by Marco Evaristti on 24. apríl 2015

Marco hefur birt ófáar myndir af þessum gjörningi á Facebook-síðu sinni sem hann kallar „Pink State“. Hann virðist hafa gert eitthvað svipað þessu í Noregi, Sahara, Mont Blanc og á Grænlandi. 

PINK STATE – Greenland, Mont Blanc, Sahara, Norway - now Iceland –Pink State has materialised again!The 5th Pink...

Posted by Marco Evaristti on 24. apríl 2015

Samkvæmt upplýsingum frá lögreglunni á Suðurlandi er málið í  ferli og er reiknað með að rætt verði við Marco einhvern tímann um helgina.

Lögreglumenn hafa skoðað Strokk og sú rannsókn leiddi ljós að lítið sem ekkert sést á hverinum. Uppátæki Marco er þó að öllum líkindum einhvers konar brot á náttúruverndalögum og verður málið því í rannsókn um helgina.

Maro hefur áður vakið nokkra athygli fyrir list sína. Fyrir 11 árum málaði hann til að mynda borgarísjaka við Grænland í bleikum lit.  Þá vakti það talsverða athygli þegar Marco fékk leyfi hjá Gene Hathorn, fanga á dauðadeild í Texas, til að nýta lík hans í listaverk.

 

freyrgigja's picture
Freyr Gígja Gunnarsson
Fréttastofa RÚV
Síðast:
Þessi þáttur er í hlaðvarpi