Athugið þessi frétt er meira en 7 ára gömul.

Leituðu ekki til bankaráðsfulltrúa

04.07.2014 - 07:48
Mynd með færslu
 Mynd:
Úttekt Ríkisendurskoðunar á málskotnaðarmáli Más Guðmundssonar seðlabankastjóra stangast á við heimildir um Már hafi komið að greiðslu reikninga fyrir málskostnaði. Núverandi bankaráð Seðlabankans fór fram á að úttektin yrði gerð. Þetta kemur fram í Morgunblaðinu í dag.

Í henni kemur fram að ekkert bendi til þess að Már hafi komið að ,,fyrirmælum eða samþykki greiðslu þeirra reikninga sem hér um ræðir". Morgunblaðið segist hins vegar hafa öruggar heimildir fyrir því að Már hafi fengið reikningnana senda á heimili sitt og svo óskað eftir endurgreiðslu hjá Seðlabankanum. Ríkisendurskoðun leitaði ekki til fyrrverandi fulltrúa í bankaráði Seðlabanka Íslands við gerð úttektarinnar. Umræddir fulltrúar sátu í ráðinu með Láru V. Júlíusdóttur, þáverandi formanni ráðsins, þegar hún tók ákvörðun um að bankinn myndi greiða kostnað Más af málsókn hans gegn Samtökum atvinnulífsins.