Leitað við Þingvallavatn

10.08.2019 - 18:50
Mynd með færslu
Bátinn, sem fannst á floti á vatninu, má sjá á myndinni. Mynd: Landsbjörg - Aðsend mynd
Björgunarsveitir voru kallaðar út að Þingvallavatni á fimmta tímanum í dag. Tilkynning hafði borist um hlut á floti í vatninu. Þyrla Landhelgisgæslunnar flaug yfir svæðið og sá bát á floti en enginn var í bátnum.

Nú eru um 50 manns við leit á svæðinu frá björgunarsveitum í Árnessýslu, Brunavörnum Árnessýslu og sjúkraflutningum. Þá er leitarhundur að störfum við vatnið og viðbragðsaðilar hafa óskað eftir aðstoð stærri báta frá Reykjavík. 

 

 

Tinna Eiríksdóttir
Fréttastofa RÚV
Síðast:
Þessi þáttur er í hlaðvarpi