Athugið þessi frétt er meira en mánaðargömul.

Leitað að tungumálum í skólum landsins

25.02.2014 - 21:19
Mynd með færslu
 Mynd:
Leit að tungumálaforða landsmanna hófst á föstudaginn í öllum skólum og leikskólum landsins. Leitin stendur yfir í viku og þegar hafa sjötíu tungumál verið skráð.

Alþjóðadagur móðurmálsins var á föstudaginn, þá var opnuð síða á vefnum tungumálatorg.is þar sem bekkir eða skólar geta skráð þau tungumál sem börnin tala. Í dag höfðu 73 tungumál verið skráð. Leitað er í leikskólum og grunn- og framhaldsskólum landsins og í morgun stóð talning yfir í Hlíðaskóla.