Keppt í sjö greinum á Reykjavíkurleikunum í dag

Mynd með færslu
 Mynd: Mummi Lú - RÚV

Keppt í sjö greinum á Reykjavíkurleikunum í dag

26.01.2020 - 10:30
Nóg er um að vera á Reykjavíkurleikunum í dag þar sem keppni fer fram í sjö greinum. Sýnt verður beint frá keppni í karate á RÚV.

Badminton
Þrjú íslensk pör eru komin í undanúrslit í badmintonkeppni Reykjavíkurleikanna, RSL Iceland International. Undanúrslitin hefjast klukkan 9:00 í TBR húsunum í dag og er áætlað að þeim ljúki um klukkan 13:00. Úrslitaleikirnir hefjast svo klukkan 15:30. Hér má fylgjast með úrslitum dagins og hér á Youtuberás Badmintonsambandins verður sýnt beint frá mótinu.

Ólympískar lyftingar
Keppni í Ólympískum lyftingum fer fram í Laugardalshöll í dag og hefst klukkan 14:00. Áætlað er að keppni standi yfir til klukkan 18. Hér á vef Lyftingasambands Íslands má finna lista yfir keppendur og hér á Facebook kynningu á þeim.

Karate
Karatekeppnin fer fram í Laugardalshöll klukkan 9-17. Um 80 Íslendingar og átta erlendir keppendur frá fimm löndum taka þátt. Þar á meðal Sonia Ventura García frá Spáni sem hefur hampað Evrópumeistaratitlum í unglingaflokkum í kata. Sýnt verður beint frá keppni í karate á RÚV klukkan 13:50. Hér má finna lista yfir keppendur, niðurröðun o.þ.h.

Kraftlyftingar
Kraftlyftingakeppni Reykjavíkurleikanna fer fram í Laugardalshöll í dag klukkan 10:00 til 14:00. Á meðal keppenda er ríkjandi heimsmeistari kvenna í -72 kg flokki og Evrópumeistari karla í +120 kg flokki. Hér á Facebook má finna góða kynningu á öllum keppendum og hér á Youtube verður hægt að fylgjast með keppninni í beinni útsendingu.

Listskautar
Keppni í listskautum hefst klukkan 11:00 í Skautahöllinni í Laugardal og stendur yfir til klukkan 15:30. Á iceskate.is má finna nánari dagskrá, keppendalista og streymi.

Pílukast
Pílukast er ný grein á Reykjavíkurleikunum í ár en keppnin fer fram á Tangarhöfða 2. Í dag verða spilaðir undanúrslita- og úrslitaleikir. Einn leikur í einu í beinni útsendingu á Youtube rás Live Darts Iceland. Undanúrslit í kvennaflokki verða klukkan 14:00 og 15:00 og undanúrslit í karlaflokki klukkan 16:00 og 17:00. Úrslitaleikurinn hjá konunum verður svo klukkan 18:00 og hjá körlunum 19:30. Hér má finna lista yfir skráða keppendur.

Sund
Um 300 keppendur taka þátt í sundkeppni Reykjavíkurleikanna í Laugardalslaug um helgina, þar af rúmlega 100 erlendir. Í dag verða syntar undanrásir klukkan 9:15 til 12:00 og síðan úrslitasund klukkan 15:00 til 16:15. Hér má finna lifandi úrslit, keppendalista og streymi.

Hér má finna upplýsingar um útsendingar RÚV sem fram undan eru frá leikunum.