Athugið þessi frétt er meira en 2 ára gömul.

Jóhannes Haukur kynnir stigin í Eurovision

Mynd með færslu
 Mynd: Jóhannes Haukur

Jóhannes Haukur kynnir stigin í Eurovision

15.05.2019 - 14:43

Höfundar

Leikarinn Jóhannes Haukur Jóhannesson verður stigakynnir fyrir Íslands hönd í Eurovison í ár. „Þegar ég var beðinn um þetta sagði ég strax já,“ segir Jóhannes Haukur.

„Ég geri mér grein fyrir að þarna dugar ekkert hálfkák og best að afgreiða þetta af öryggi og festu ásamt lipurð og sveigjanleika. Svo er þetta tækifæri til að gleðja börnin mín. Þeim mun eflaust þykja þetta töff. Ég vona það allavega.“

Jóhannes Haukur hefur leikið víða á sviði, sjónvarpi og kvikmyndum, en hann hefur undanfarið leikið mikið erlendis. Hann lék meðal annars aðalhlutverkin í Svartur á leik, Ég man þig, Hollywoodmyndinni Alpha, auk þess sem hann birtist heimsbyggðinni sem Lem Lemoncloac í Game of Thrones. Úrslitin í Söngvakeppni evrópskra sjónvarpsstöðva fara fram næstkomandi laugardagskvöld og þá fær Jóhannes Haukur það eftirsótta hlutverk að lesa upp hvaða lönd fá 8, 10, og 12 stig frá íslenskum áhorfendum í símakosningunni.