Athugið þessi frétt er meira en 2 ára gömul.

Jóhann valinn kvikmyndatónskáld ársins

Mynd með færslu
 Mynd: Jónatan Grétarsson

Jóhann valinn kvikmyndatónskáld ársins

18.10.2018 - 14:14

Höfundar

Jóhann Jóhannsson var valinn sem besta kvikmyndatónskáld ársins á verðlaunahátíð World Soundtrack Awards. Hildur Guðnadóttir tónskáld tók á móti verðlaununum fyrir hans hönd og hélt tilfinningaþrungna ræðu.

Verðlaunin voru veitt í gær. Jóhann hlaut þau fyrir tónlist sem hann samdi fyrir kvikmyndirnar Mandy, Mary Magdalene (sem hann vann að ásamt Hildi Guðnadóttur) og The Mercy. Þetta er annað árið í röð sem World Soundtrack Awards heiðrar Jóhann fyrir tónsmíðar hans.

Hildur Guðnadóttir tók á mót verðlaununum fyrir hans hönd en Jóhann lést fyrir aldur fram, 48 ára gamall, á heimili sínu í Berlín fyrr á þessu ári. 

„Jóhann lifði fyrir tónlist sína – hún var honum allt,“ sagði Hildur þegar hún tók við verðlaununum. „Eins sárt og það er fyrir þá sem stóðu honum næst að hann sé ekki á meðal okkar þá er huggun fólgin í því að tónlist hans lifi áfram.“

Tengdar fréttir

Tónlist

Ágengt en undurfallegt

Tónlist

List hans þreifst á skapandi slætti listforma

Kvikmyndir

Jóhanns minnst á Óskarsverðlaununum

Tónlist

„Hann var snillingur“