Þrír leikmenn Íslands léku sinn allra fyrsta landsleik í dag, þeir Andri Rúnar Bjarnason, Mikael Anderson og Samúel Kári Friðjónsson. 

Allir markaskorarar Íslands skoruðu sitt fyrsta landsliðsmark í dag. Andri Rúnar Bjarnason kom Íslandi yfir á 30. mínútu og var staðan í hálfleik 1-0 fyrir Ísland. 

Strax í upphafi síðari hálfleiks skoraði Kristján Flóki Finnbogason gott skallamark eftir aukaspyrnu frá Alberti Guðmundssyni. Á 55. mínútu þurfti dómari leiksins að stöðva leikinn vegna þrumuveðurs sem skyndilega skall á en leikurinn hélt áfram um stundarfjórðungi síðar. 

Óttar Magnús Karlsson var svo einn þeirra sem skoraðu sitt fyrsta landsliðsmark í dag en hann kom Íslandi í 3-0 á 65. mínútu. Þá fóru mörkin að hrannast inn en þremur mínútum síðar komst Tryggvi Hrafn Haraldsson á blað þegar hann kom Íslandi í 4-0. 

Miðverðirnir tveir, Hjörtur Hermannsson og Hólmar Örn Eyjólfsson, bættu svo við mörkum fyrir Ísland og lokatölur í Indónesíu 6-0. Hjörtur og Hólmar með sín fyrstu mörk fyrir A-landsliðið. 

Ísland mætir Indónesíu aftur á sunnudag í síðari vináttuleik liðanna. Öll mörkin má sjá hér að neðan.