Athugið þessi frétt er meira en mánaðargömul.

Isavia fellir niður notendagjöld á Keflavíkurflugvelli

13.03.2020 - 18:30
Mynd með færslu
 Mynd: Jón Þór Víglundsson - RÚV
Isavia ætlar að fella niður notendagjöld á Keflavíkurflugvelli á meðan ferðabann borgara innan Schengen svæðisins til Bandaríkjanna varir.

„Með þessu styður félagið við viðskiptavini sína á fordæmalausum óvissutímum með það að markmiði að auðvelda flugfélögum að taka ákvarðanir um áframhaldandi flug til Íslands þrátt fyrir lakari sætanýtingu,“ segir í tilkynningu á vef stjórnarráðsins. 

Þórdís Kolbrún Reykfjörð Gylfadóttir, ferðamála- og iðnaðarráðherra fagnar þessari ákvörðun.

„Með ákvörðun sinni leggur Isavia sitt lóð á vogarskálarnar með stjórnvöldum til að styðja við íslenska ferðaþjónustu á krefjandi tímum. Mikilvægt er að viðhalda öflguri flugstafsemi sem er lykilþáttur í íslenskri ferðaþjónustu og efnahagslífi,“ er haft eftir Þórdísi Kolbrúnu.