Mynd: Auður Önnu Magnúsdóttir
Hvetja ráðherra til að flýta friðlýsingu
Fulltrúar Landverndar afhentu Guðmundi Inga Guðbrandssyni, umhverfisráðherra, og Kristínu Lindu Árnadóttur, forstjóra Umhverfisstofnunar, undirskriftalista með undirskriftum 5431 einstaklinga síðdegis í dag. Þau eru hvött til að hraða vinnu við friðlýsingu Drangajökulsvíðerna.
Náttúrufræðistofnun hefur lagt til að víðernin verði sett á framkvæmdaáætlun náttúruminjaskrár en Drangajökulsvíðerni eru á svæði sem mun verða fyrir áhrifum vegna fyrirhugaðrar Hvalárvirkjunar.
Samtökin hafa gagnrýnt virkjanaáformin. Í tilkynningu Landverndar segir að fossinn Drynjandi í Hvalá, sem er á svæðinu, muni að öllum líkindum heyra sögunni til, nái virkjanaáformin fram að ganga.
Fréttin hefur verið uppfærð.
