Athugið þessi frétt er meira en mánaðargömul.

Hraðamyndavélar í notkun austan Selfoss

24.02.2020 - 14:22
Mynd með færslu
 Mynd: Anton Brink - Ruv.is
Tvær hraðamyndavélar verða teknar í notkun á hringveginum við bæinn Tún í Flóa, austan Selfoss, þann 1. mars.

Á heimasíðu Vegagerðarinnar kemur fram að uppsetning vélanna sé liður í umferðaröryggisáætlun stjórnvalda sem er hluti af samgönguáætlun, þar sem tilgangurinn er að draga úr ökuhraða á þjóðvegum og fækka umferðarslysum.

Um er að ræða stafræna myndatöku þar sem upplýsingar um hraðabrot eru sendar samstundis til lögreglunnar, en ekki er tekin mynd nema um brot sé að ræða.