Athugið þessi frétt er meira en 7 ára gömul.

Höskuldur studdi ekki tillögu Sigmundar Davíðs

06.04.2016 - 16:37
Mynd: RÚV / RÚV
Höskuldur Þórhallsson, þingmaður Framsóknarflokksins, var sá sem ekki greiddi atkvæði með tillögu Sigmundar Davíðs Gunnlaugssonar, forsætisráðherra, sem hann lagði fram á þingflokksfundi Framsóknar í gær. Hann segir að hann hafi talið að tillagan myndi engan vanda leysa.

Sigmundur Davíð, lagði það til á fundinum að „að varaformaður flokksins taki við embætti forsætisráðherra svo það megi verða til að ríkisstjórnin geti lokið þeim mikilvægum verkum sem hún hefur unnið að og varða mikilvæga þjóðarhagsmuni,“ eins og segir í tilkynningu frá skrifstofustjóra þingflokks Framsóknar.

Höskuldur segir að ástæðan sé sú að hann taldi að tillagan myndi engan vanda leysa. Það hafi enda komið á daginn.

Í tillögunni segir að lýsi þingflokkurinn ánægju með „þá virðingarverðu afstöðu formannsins „sem felst í því að hann skuli vera reiðubúinn að stíga þetta skref til að gera ríkisstjórninni kleift að vinna áfram að þeim mikilvægu verkefnum sem nú liggja fyrir.“

larao's picture
Lára Ómarsdóttir